JONÁS 1:9 - Dios Rimashcata Quillcashcami

⁹ Shina nicpimi Jonasca: —Ñucaca hebreopurami cani. Mama cuchatapish, cai pachatapish ruhuac, jahua pacha Mandac Diosta cazucmi causani— nirca.

JONÁS 1:9 Referans Kwoze

NEHEMÍAS 9:6

Chaipi tucui gente mañashpaca: «Canllami Mandac Dios cangui. Canmi jahua pachatapish, ashtahuan jahua pachatapish, chaipi ima tiyaccunatapish, allpatapish, mama cuchatapish, chaipi ima tiyaccunatapish, ruhuashcangui. Tucuiman causaita cushcamantami, jahua pachapi causac angelcunaca, cantaca allimari cangui nincuna.

SALMOS 136:26

Jahua pacha Diosta alabaichicyari. ¡Paica huiñaita llaquicmi!

NEHEMÍAS 1:4

Chaita uyashpami, ñucaca tiyarishpa huacashpa maijan punzhacunata duelo carcani. Shinallatac jahua pachapi causac Diospac ñaupapimi mana micushpa mañarcani.

ESDRAS 1:2

Persia llactata jatun mandac Ciroca: «Jahua pachata Mandac Diosmi tucui cai pachapi tiyac llactacunata mandachunpish, shinallatac Judá llactapi cac Jerusalenpi Diospac huasita shayachichunpish mandarca.

2 REYES 17:28

Chaimantami Samaria llactamanta prezu apashca shuc cura shamushpa, Bet-el pueblopi causarca. Paimi Mandac Diosta ima shina manchashpa causanata yachachirca.

2 REYES 17:25

Chaipi causai callarishpaca, Mandac Diosta mana mancharcacunachu. Chaimantami Mandac Diosca paicunata huañuchichun leoncunata cacharca.

GÉNESIS 14:13

Chai macanacuimanta miticushpa shamuc shuc runami Lotta prezushcata hebreopuramanta Abramman huillac shamurca. Abramca amorreopuramanta Mamrepac encina yuracuna tiyac pambapimi causarca. Mamreca Escolpac, Anerpac huauquimi carca. Paicunaca Abrampac yuyaitami charirca.

APOCALIPSIS 16:11

Ashtahuanpish millaita ruhuanataca manatac saquircacunachu. Sisu ungüihuanpish, nanaihuanpish cashpami, jahua pacha Diostaca piñashpa rimarcacuna.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

FILIPENSES 3:5

Ñucaca hebreopuramanta huacharishca, Benjaminpac huahua huahua israelmi cani. Chaimantami ñucataca huacharishcamanta pusac punzhapi, ña circuncisionta ruhuachishcacuna. Shinallatac fariseo cashpami, Moisés mandashcacunataca alli pactachicurcani.

HECHOS 27:23

Cunan tutami ñuca alli nina Diospac ángel ñucahuan carca.

HECHOS 14:15

yaicushpaca: —¿Imapactac chashna ruhuashun ninguichic? Ñucanchicca cancuna shina runallami canchic. Ñucanchicca cai yangalla ruhuanata saquishpa, causac Diosman cutirichunmi, alli huillaita huillangapac shamurcanchic. Paica jahua pachatapish, cai pachatapish, mama cuchatapish, tucui ima tiyactapish ruhuacmi.

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

DANIEL 2:44

Chai jatun mandaccuna mandacui punzhacunami jahua pacha Diosca jaicapi mana tucuchipac llactata mandachun churanga. Chai llactata mandactaca mana shuctac runacunaman cungachu. Chai jatun mandacmi shuctac jatun mandaccunata ñutuchishpa tucuchinga. Shinami paica huiñaita mandacungalla.

JOB 1:9

Shina nicpimi, Satanasca Mandac Diostaca: —Cantaca mana yanga manchanchu.

NEHEMÍAS 2:4

Shina nicpimi, jatun mandacca: —¿Imatatac ruhuachun ningui?— nirca. Shina nicpimi, jahua pachapi causac Diosta mañashpa,

ESDRAS 5:11

Shina tapucpimi paicunaca: “Ñucanchicca jahua pachata, cai pachata ruhuac Diosta serviccunami canchic. Ñucanchicca tigrachishca huasitami cutin shayachicunchic. Cai huasitaca israelcunata jatun mandacmi ñaupa huatacunapi shayachishca carca.

GÉNESIS 39:14

chai huarmica chai huasipi serviccunata cayashpaca: —Riqui, ñucanchicta burlachunmi, cai hebreo runataca pushamushca. Cai runaca ñucahuan sueñusha nishpami cuchuyarca. Chaimantami ñucaca sinchita caparircani.

ÉXODO 1:15

Shinallatac Egipto llactata jatun mandacca Israelmanta Sifra huarmi, Fúa comadronacunataca:

ÉXODO 2:13

Cayandi cutinllatac ricungapac llucshishpaca, israelcunapuramanta ishcai runacuna macanacucuctami ricurca. Shina ricushpami llaquichic runataca: —¿Ima nishpatac cancunapuramanta runata macacungui?— nirca.

GÉNESIS 1:10

Quipaca chai chaquishcataca «Allpa» nishpami shutichirca. Tandarishca yacutaca «Mama cucha» nishpami shutichirca. Diosca chaitaca alli cashcatami ricurca.

GÉNESIS 24:7

Ñuca taitapacmanta, ñuca aillucuna causana allpamanta llucchic jahua pachapi causac Mandac Diosca: “Canmanpish, cambac huahua huahuacunamanpish cai allpata cushami” nishpa, paipac shutipi ari nirca. Paillatac paipac angelta cambac ñaupata cachacpimi, chai llactamanta huarmita ñuca churiman pushamungui.