JONÁS 1:2 - Dios Rimashcata Quillcashcami

² «Jatari, jatun Nínive llactapi causaccunata llaquichina cashcata huillagri. Paicuna alli mana allita ruhuashcatami yachani» nirca.

JONÁS 1:2 Referans Kwoze

GÉNESIS 10:11

Cai llactamantaca Asiria llactaman rishpami, Nínive, Rehobot, Cala llactacunata shayachirca.

NAHÚM 1:1

Elcos llactamanta, Nahumman Nínive llactata tucuchinamanta muscuipi shina huillashcata quillcashcami.

JONÁS 4:11

Ñucaca, ¿manachu patsac ishcai chunga huaranga runacuna causana Nínive llactamantaca llaquisha? Paicunaca maijan alli lado maqui, lluqui lado maqui cactapish mana yachaccunami. Shinallatac animalcunapish chaipi tiyanmi— nirca.

JONÁS 3:2

«Jatari, Nínive llactapi ñuca ima nishcata huillangapac ri» nirca.

ISAÍAS 58:1

Mandac Diosca: «¡Sinchita caparishpa huillaiyari! Trompetapi tocac shina mana manchashpa capariyari. ¡Ñuca acllashcacuna mana cazushcatapish, Jacobopac huahuacuna juchata ruhuashcatapish huillaiyari!

APOCALIPSIS 18:5

Paicunapac juchacunaca ashtahuan ashtahuan mirarishpami, jahua pachacaman chayashca. Shinallatac tucui paicunapac juchata ricushpami, Diosca llaquichinata yuyarishca.

2 REYES 19:36

Chaimantami Asiria llactata jatun mandac Senaqueribca Nínive puebloman cutishpa, chaipi saquirirca.

MIQUEAS 3:8

Ashtahuanpish ñucaca Jacobopac huahuacuna mana cazushcata, israelcuna juchallishcata huillangapacmi Mandac Diospac Espirituhuan, poderhuan cani. Paica cashcata ruhuacmi.

EZEQUIEL 2:7

Paicunaca mana cazuccunami, chaimanta uyachunpish, mana uyachunpish ñuca nishcataca huillacunguilla.

ESDRAS 9:6

mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

SANTIAGO 5:4

Cancunapac allpapi granota tandaccunamanca mana pagashcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Diosca uyashcami.

SAN MATEO 10:18

Ñucata caticushcamantami llactata mandaccunapacmanpish, jatun mandaccunapacmanpish apanga. Shina cacpimi, paicunamanpish, mana israelcunamanpish ñucamanta huillanguichic.

SAN MATEO 12:41

Nínive pueblopi causaccunaca Dios ima nishcata Jonás huillacpica, llaquirishpa, Diosman cutirircami. Ñucacarin Jonastapish yallimi caipica cani. Dios taripana punzhapica, Ninivepi causaccunami cunan punzhapi causaccuna mana allita ruhuashcamantaca juchanchingapac jataringacuna.

ISAÍAS 37:37

Chaimantami Asiria llactata jatun mandac Senaqueribca Nínive llactaman rishpa, chaipi causarca.

JEREMÍAS 20:9

Chaimantami ñucaca: «Mandac Diosta mana ashtahuan yuyarishachu, paipac shutitapish mana ashtahuan huillashachu» nishpa yuyarcani. Shina cacpipish, cambac rimashcaca ñuca shungupica nina shina rupachishpami tullucaman chayan. Chaimantami cambac rimashcata ñuca shungullapi charicusha nicushpapish mana pudini.

OSEAS 7:2

Tucui paicuna mana allita ruhuashcata ñuca yuyaipi charicushcataca mana shungupi yuyarinchu. Tucui paicuna mana allita ruhuashcataca ricucunimi. Chai mana allita ruhuashcacunami paicunata chaupinchishpa charicun.

JONÁS 3:3

Shina nicpimi, Jonasca jatarishpa Mandac Dios mandashca shinallatac Nínive llactapi huillagrirca. Niniveca jatun pueblomi carca. Quimsa punzhata purishpami chai llactata tucuchic carca.

2 CRÓNICAS 28:9

Mandac Dios ima nishcata huillac Obedmi Samaria pueblopi causacurca. Paimi Samaria puebloman soldadocuna chayacucpi, tupangapac llucshishpaca: —Cancunapac ñaupa taitacunata Mandac Diosca Judá llactapi causaccunahuan piñarishpami, cancunapac maquipi churarca. Cancunaca jahua pachaman chayacta yallita piñachishpami, achcata huañuchircanguichic.

NAHÚM 3:19

Cambac nanaita allichic jambica mana tiyanchu. Chugrica mana jambipacmi tucushca. Can ima tucushcataca uyashpaca tucuimi cushicunga. Canca tucuitami llaquichircangui» ninmi.