JOEL 3:10 - Dios Rimashcata Quillcashcami

¹⁰ Yapuna rejacunataca espadacunata ruhuaichic. Hocescunataca lanzacunata ruhuaichic. Fuerzata mana chariccunataca: ‘Fuerzata charinimi’ nishpa, caparichun mandaichicyari.

JOEL 3:10 Referans Kwoze

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

2 CRÓNICAS 25:8

Ashtahuanpish can mana uyashpa, chai soldadocunahuan sinchi tucushpa macanacungapac ricpica, Mandac Diosllatacmi canta piñaccunapac maquipi churanga. Mandac Diosllami mishachingapacpish, mana mishachingapacpish poderta charin— nirca.

MIQUEAS 4:3

Mandac Diosmi achca gentecunatapish taripanaga. Sinchi llactacunatapish, caru llactacunatapish allichinga. Chaimantami espadacunataca yapuna rejacunata, cutin lanzacunataca hocescunata ruhuanga. Shinallatac llactacunapura piñanacushpa, jatun macanacuipish, macanacuita yachachinapish mana ashtahuan tiyangachu.

ISAÍAS 2:4

Mandac Diosmi llactacunapi causaccunataca taripanga. Achca gentecunatami jarcashpa rimanga. Chashna ruhuacpimi, paicunapac espadacunataca yapuna rejacunata, lanzacunataca hocescunata ruhuanga. Llactacunapish mana ashtahuan macanacungapac llucshingachu. Macanacunatapish ña mana ashtahuan yachachingachu.

SAN LUCAS 22:36

Shina nicpimi Jesusca: —Cunanca maijanpish cucayutapish, cullquitapish charicca, apaichiclla. Maijanpish espadata mana charicca, churanata catushpa randichic.

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

SAN LUCAS 13:12

Chai huarmita Jesús ricushpa cayashpaca: —Huahua, ungüimanta cacharichishcami cangui— nirca.