JOEL 2:7 - Dios Rimashcata Quillcashcami

⁷ Sinchi soldadocuna shina callpashpami, pirca jahuaman huichicunga. Tucui paicunaca mana ladoyashpami, quiquin ñanta catishpa ringa.

JOEL 2:7 Referans Kwoze

PROVERBIOS 30:27

Langostacunaca jatun mandacta mana charishpapish, tucui mashnami tandanacushpa llucshincuna.

JOEL 2:9

Llactapi caiman chaiman rishpami, pirca huasi jahuaman huichicushpa, shuhuaccuna shina ventanacunata yaicunga.

JEREMÍAS 5:10

Pircacunata huichicushpa uvas chagrata polvoichic. Shina polvoshpapish ama tucuchichicchu. Chai ramacunata tucui anchuchichic. Chaica mana ñucapacchu.

2 SAMUEL 5:8

Chai punzhami Davidca: «Jebuseocunata huañuchingapac riccunaca toma yacuta catishpa, ñucata mana ricunayachic ñahui mana ricuccunata, suchucunata huañuchinguichic» nirca. Chaimantami: «Ñahui mana ricuccunapish, suchucunapish Mandac Diospac huasimanca mana yaicungachu» nirca.

2 SAMUEL 1:23

Saulpish, Jonatanpish yallitami cuyanacuccuna carca. Causaipipish, huañuipipish manatac chicanyarircacunachu. Paicunaca aguilatapish yalli callpaccunami carca. Leontapish yalli sinchicunami carca.

SALMOS 19:5

Intica cunanlla cazarashca sueñuna ucumanta llucshic shinami llucshicun. Shina llucshishpaca callpai callaricuc runa shinami cushicun.

JOB 16:14

Ñucataca catipi catipimi llaquichirca. Sinchita macanacuc runa catic shinami llaquichirca.

JOEL 2:8

Mana paicunapura huactarinacunchu. Ashtahuanpish paicunapac ñanta ringallami. Espada jahuapi urmashpapish mana paicunapac filamanta ladoyangachu.

1 CRÓNICAS 12:36

Aserpac aillumantaca chuscu chunga huaranga allichirishca, macanacuiman rinalla runacunami carca.