JOEL 2:30 - Dios Rimashcata Quillcashcami

³⁰ Jahua pachapipish, cai pachapipish jatun mancharinacunatami ricuchisha. Huañuipish, llactacuna rupashpa, cushni llucshicucpish tiyangami.

JOEL 2:30 Referans Kwoze

SAN LUCAS 21:11

Maipica, jatun allpa chucchuimi tiyanga. Yalli yarcaipish, ungüicunapish tiyangami. Jahua cielopica, jaicapi mana ricushcacunami ricuringa. Yalli manchaimi tiyanga.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

JUECES 20:40

Ashtahuanpish paicuna tigrarishpa Gabaa pueblota ricucpica, chai tucui pueblomanta achca cushni huichai llucshicushcatami ricurca.

APOCALIPSIS 18:9

Paihuan huainayashpa, munashcata ruhuashpa cushicuc cai pachapi tiyac jatun mandaccunaca, chai pueblo rupashpa cushni llucshicucta ricushpami chai pueblomanta llaquirishpa yallita huacangacuna.

GÉNESIS 19:28

Chaiman chayashpami, Abrahamca Sodomamantapish, Gomorramantapish, tucui pambacunamantapish hornomanta cushni llucshicuc shinata ricurca.

APOCALIPSIS 18:18

Chai jatun pueblo rupacushcamanta cushni llucshicucta ricushpaca: «¿Cai jatun pueblo shinaca maijan pueblotac tiyangayari?» nishpami caparircacuna.

CANTARES 3:6

¿Pi huarmitac chai pambata tucuilaya ashnacuc polvohuanpish, inciensohuanpish, mirrahuanpish cahuirishpa mishquilla ashnacuc puyu shina shamucunyari?

JUECES 20:38

Israelcunahuan pacalla chapacuc runacunahuanca: “Gabaa pueblomanta cushnita huichai cachanguichic” ninacushcami carca.

JOSUÉ 8:20

Hai pueblopi causaccunaca paicunapac pueblota tigrarishpa ricushpaca, chai pueblo rupashpa, cushni jahua pachaman ricuctami ricurcacuna. Paicuna shitashca pambata caticucpi, israelcuna paicunahuan macanacungapac cutimucucpimi, maimanpish mana callpai pudircacuna.

APOCALIPSIS 8:7

Puntaniqui ángel tocacpica, yahuarhuan chapushca nina, rundumi urmarca. Chashna urmashpami cai allpataca quimsapi chaupishcamanta shuc parteta yuracunandi, quihuacunandi rupachirca.

JEREMÍAS 4:28

Chaimantami cai pachaca yana churanata churarishca shina tucunga. Jahua pachapish purayangami. Chaita ruhuanataca ñucallatacmi yuyarircani. Chaitaca manatac saquishachu. Ñuca ruhuasha nishcataca ruhuashatacmi.

ZACARÍAS 14:6

Chai punzhapica intipish, chiripish, casapish mana tiyangachu.