JOEL 2:26 - Dios Rimashcata Quillcashcami

²⁶ Cancunaca mana nictami micunguichic. Cancunata Mandac Dios ñucapac shutitapish “Allimari” cangui, ninguichicmi. Ñucami cancunamanca mai allicunata ruhuasha. Ñuca acllashcacunaca jaicapi mana pingaichishcachu canga.

JOEL 2:26 Referans Kwoze

ROMANOS 10:11

Dios quillcachishcapica: «Maijanpish paita cricca mana pingaichishcachu canga» ninmi.

SALMOS 22:26

Chaipica huacchacunaca mana nictami micungacuna. Mandac Diosta mashcaccunaca paitami alli ningacuna. ¡Paicunaca unaitami causangacuna!

ROMANOS 5:5

Diosca paipac Espirituta cachashpami, ñucanchic shungupi cuyaita churashca. Chaimantami mana yanga shuyacunchic.

DEUTERONOMIO 12:7

Chaipimi Mandac Diospac ñaupapi cancunapish, familiacunapish cushicushpa, micuna canguichic. Cancunapac maquihuan ruhuashcata cancunata Mandac Dios bendiciashcamantami chashna cushicuna canguichic.

ISAÍAS 49:23

Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

LEVÍTICO 26:5

Trigota trillana manarac tucuricpimi, uvasta pallana punzhacunaca chayamunga. Uvasta manarac tucui pallacpimi, tarpuna punzhacuna chayamunga. Cancunaca mana nicta micushpami, cancunapac llactapica imatapish mana manchashpa causanguichic.

1 JUAN 2:28

Cuyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuclla causaichic. Chashna causashpami pai cutin shamucpica, paipac ñaupapi mana pingashpa tupashun.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

ISAÍAS 54:4

Ama manchaichu, mana pingaichishcachu cangui. Ama pingaichu, cantaca pi mana burlangachu. Ashtahuanpish huambrarac cashpa, pingashcata, viuda cashpa, pingashcataca mana ashtahuan yuyaringuichu.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ZACARÍAS 9:17

¡Chai llactaca mai sumacmi! Trigoca quipa huiñaicunatami sumacta huiñachinga. Vinoca carihuan manarac chayarishca solteracunatami cushichinga.

ZACARÍAS 9:15

Tucuita Mandac Diosmi paicunataca ayudanga. Chaimantami paicunaca, paicunata piñaccunataca tucui tucuchishpa, huaraca rumicunatapish sarunacunga. Vinota ubiac shinami yahuarta ubianga. Tazonpi jundachishca shina, gachucuna altarpi yahuarta jundachishca shinami ruhuanga.

SOFONÍAS 3:11

Chai punzhapica ñucata mana cazushpa, jatun tucuc runacunataca cancunapac chaupimantaca anchuchishami. Chaimantami ñucata mana cazushpa, mana allita ruhuashcacunamantaca mana pingai tucunguichic.

ISAÍAS 29:22

Chaimantami Abrahamta quishpichic Mandac Dios Jacobopac huahua huahuacunataca: «Cunanca, Jacoboca mana ashtahuan pingaichishpa, ñahui pucayachishcachu canga.

GÉNESIS 33:11

Cai convidanacunata apamushcataca chasquiyari. Diosca ñucamanca achcata cushpami, ñucataca chayucyachirca. Imapish mana illanchu— nirca. Jacoboca chashnami Esaú chasquingacaman mañacurcalla.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

CANTARES 5:1

Ñuca panilla, ñuca huarmilla, ñuca huertamanmi shamurcani. Ñuca mirratapish, mishquilla ashnacuctapish ñami japini. Bunga mishquitapish ñami micuni. Vinotapish, lechetapish ñami ubiani. Ñuca ricsishcacunalla, ñuca cuyashcacunalla, cushicushpa achcata micuichiclla, ubiaichiclla.

PROVERBIOS 13:25

Cashcata ruhuac runaca huicsa pactatami micun. Ashtahuanpish Diosta mana manchaccunaca chushac huicsami puringacuna.

SALMOS 116:7

Mandac Diosmi ñucamanca allita ruhuarca. Chaimanta ñuca almalla, sumacta samarilla.

SALMOS 103:5

Paimi can munashca allicunataca mana nicta cun. Angata shinami sinchirac causachun mushucyachin.

SALMOS 72:18

¡Israelcunapac Mandac Dioslla, alli nishca cachun! Paillami sumaimanacunata ruhuacca.

SALMOS 37:19

Mana alli punzhacunapica mana pingaichishcachu canga. Yarcai punzhacunapipish mana nictami micungacuna.

SALMOS 13:6

Mandac Diosta alabashami. Paica allitami ñucamanca ruhuashca.

NEHEMÍAS 9:25

Muyundita pircashca pueblocunatapish, alli allpacunatapish, tucui allicunata huacaichishca, huasicunatapish japircacunami. Yacuta jundachina jutcucunatapish, uvas chagracunatapish, olivos yuracunatapish, pucuc yuracunatapish japircacunami. Can cuyashcamantami, sacsacta micushpa, huirayashpa can cuyashcamanta cushicushpa causarcacuna.

DEUTERONOMIO 12:18

Mandac Dios acllashca pushtuman rishpa, paipac ñaupapi ushicunahuan, churicunahuan, servic caricunahuan, servic huarmicunahuan, cancunapac llactapi causac levitacunahuan micunguichic. Chaipimi cancunapac maquihuan ruhuashcata Mandac Dios bendiciashcamanta cushicuna canguichic.

DEUTERONOMIO 12:12

Mandac Diospac ñaupapi cancunapish, churicunapish, ushicunapish, servic caricunapish, servic huarmicunapish, cancunapac llactapi causac levitacunapish cushicunguichic. Levitacunaca cancunapurapica ima allpata mana charinchu.

DEUTERONOMIO 8:10

Cancunaca mana nictami micunguichic. Sumac llactata cushcamantami Mandac Diostaca, allimari cangui ninguichic.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

MIQUEAS 6:14

Micushpapish mana sacsanguichu. Yarcaica mana anchuringachu. Imata tandachishpapish mana huacaichi pudinguichu. Imata huacaichishcataca canta piñaccunamanmi cusha.

DEUTERONOMIO 11:15

Quihuapish cancunapac animalcunaman tiyangami. Cancunaca huicsa pactatami micunguichic.

SALMOS 67:5

¡Dioslla, llactacunapi causaccuna canta alabachun! ¡Tucui llactapica causaccuna canta alabachun!

LEVÍTICO 25:19

Chai llactapica allpapish sumaimana granotami pucunga. Shina pucucpica, huicsa pacta micushpami, mana manchashpa causanguichic.