JOEL 2:22 - Dios Rimashcata Quillcashcami

²² Sacha animalcunapish ama manchaichicchu. Quihuapish cutinmi verdiyanga. Yuracunapish cutinmi pucunga, higopish, uvaspish achcami pucunga.

JOEL 2:22 Referans Kwoze

ZACARÍAS 8:12

Ashtahuanpish paicunapacca cushi causaica muyuta tarpushca shinami canga. Uvaspish achcami pucunga, allpapipish achca granomi pucunga, jahua pachaca tamyatami cachanga. Chai tucui allicunataca maijan saquirishcacunamanmi cusha.

SALMOS 65:12

Shitashca pambacunapipish, sumac quihuacunami huiñan. Lomacunapish cushilla cac shinami tucun.

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

SALMOS 67:6

Allpapica granomi pucunga. Ñucanchic Diosmi bendicianga.

1 CORINTIOS 3:7

Tarpucpish, parcucpish ima mana canchicchu, ashtahuanpish muyuta huiñachicca Diosllami can.

HAGEO 2:16

¿Imatac tucurcanguichic? Maijan ishcai chunga quintal caipac montonman shamushpaca, chunga quintal-llatami tarirca. Pichca chunga puñu vino llucshic uvasta cutana pushtuman apashpaca, ishcai chunga puñullatami llucchirca.

JONÁS 4:11

Ñucaca, ¿manachu patsac ishcai chunga huaranga runacuna causana Nínive llactamantaca llaquisha? Paicunaca maijan alli lado maqui, lluqui lado maqui cactapish mana yachaccunami. Shinallatac animalcunapish chaipi tiyanmi— nirca.

EZEQUIEL 36:35

Chashna cacpimi paicunaca: ‘Llaquinayaita shitashca pambaca Edén huerta shinami tucushca. Urmachishca llactacunapish cunanca allichishca muyundita pircashcami’ nincuna.

EZEQUIEL 36:30

Shuctac llacta gentecuna cancuna yarcaihuan cacpi, jaicapi ama rimachunmi yuracunapi pucuc, allpa ucupi pucuc granocunatapish achcata pucuchisha.

EZEQUIEL 36:8

Israel llacta urcucunalla, ñuca acllashca israelcunaman granota pucuchun yuracuna huiñachun saquiyari. Ñallami paicunaca cutimunga.

SALMOS 36:6

Cashcata can ruhuashcapish cambaclla jatun urcucuna shinami. Can mandashcacunaca jatun mama cucha yacu shinami. Mandac Dioslla, gentecunatapish animalcunatapish cambac maquipi charingui.

GÉNESIS 4:12

Can allpapi granota tarpucpipish, cutinca mana pucungachu. Cai allpapica maimanta shamushca shinami, maipi mana causai pudishpa puricunguilla— nirca.

SALMOS 65:13

Animalcunapish pamba jundami tucun. Pugru pambacunapish tucui chagrallami. Yallita cushicushpami caparishpa cantancuna.