JOEL 2:20 - Dios Rimashcata Quillcashcami

²⁰ Jahua llactamanta cancunata llaquichiccuna shamucpica, carumanmi cachasha. Paicunataca shitashca pambamanmi catishpa cachasha. Ñaupashpa shamuccunataca inti llucshina lado mama cuchapimi shitasha. Huashata caticcunataca inti tigrana lado mama cuchapimi shitasha. Chaipimi ismushpa yallita ashnanga. Yalli llaquita ruhuashcamantami chashna ruhuasha» ninmi.

JOEL 2:20 Referans Kwoze

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

AMÓS 4:10

Egipto llactata llaquichishca shina llaquichicpipish, cancunapac churicunata jatun macanacuita cachashpa huañuchicpipish, cancunapac caballocunata cancunata piñaccuna prezushpa aparicpipish, achca soldadocuna huañushpa ismushca ashnacucpipish cancunaca mana ñucapacman cutirircanguichicchu.

ISAÍAS 34:3

Chai huañushca cuerpocunataca shitashpami saquinga. Chai cuerpocunaca yallitami ashnanga. Paicunapac yahuarhuanmi urcucunaca yacuyanga.

DEUTERONOMIO 11:24

Maipimi cancuna sarunguichic, chai llactaca cancunapacmi canga. Cancunapac llactaca shitashca pambamanta Libanocaman, Eufrates yacumantaca inti llucshina lado cuchacamanmi canga.

EZEQUIEL 47:18

Inti llucshina lado linderoca Haurán llacta, Damasco chaupita catishpa, Galaad llacta, Israel llacta chaupita catishpa, Jordán yacucamanmi canga. Inti llucshina ladopi cac jatun cucha patapi tiyac Tamar pueblocaman medinguichic. Shinami inti llucshina lado linderoca canga.

ÉXODO 10:19

Shinami Mandac Diosca inti yaicuna ladomanta huairata sinchita cachashpa, tucui langostacunata anchuchishpa, Puca Cuchapi shitarca. Shina ruhuacpica, shuc langostallapish Egipto llactapica mana saquirircachu.

2 REYES 8:13

Shina nicpi, Hazaelca: —Canta servic yanga allcu shina ñucaca, ¿maitatac chai mancharina llaquicunataca ruhuashayari?— nirca. Shina nicpimi Eliseoca: —Mandac Diosmi can Siria llactata mandagricushcata ricuchishca— nirca.

ÉXODO 8:14

Chai huañushca sapocunataca tandashpami, caipi chaipi montonarca. Chai sapocunaca yallitami ashnacurca.

SALMOS 126:3

¡Mandac Diosca ñucanchicmanca jatun mancharina allicunatami ruhuashca! ¡Yallitami cushicunchic!

MALAQUÍAS 3:11

Cancunapac allpapi pucushca granocunatapish, uvas chagracunatapish langosta ama tucuchichunca, rimashpa jarcashami.