JOEL 1:12 - Dios Rimashcata Quillcashcami

¹² Uvas chagrapish, higo yuracunapish chaquishpa chingaricunmi. Granadilla, palmera, manzana yuracunapish tucuimi chaquicun. Sacha yuracunapish tucuimi chaquicun. Chaimantami huañuclla runacunapac cushicuipish chingaricun.

JOEL 1:12 Referans Kwoze

ISAÍAS 24:11

Ñancunapica vino illashcamantami huacashpa purincuna. Tucui cushicuimi tucurishca. Cuchicunaca cai pachapimi chingarishca.

ISAÍAS 16:10

Allita pucuc pambacunapi cushicushpa caparinaca ña illanmi. Uvas chagracunapipish mana ashtahuan cushicushpa cantangachu. Vinota ruhuaccunapish cutana pushtucunapica mana cutangachu. Uvasta cutashpa caparinaca illanmi.

JOEL 1:16

¿Manachu Mandac Diospac huasipi micushpa yallita cushicuitapih ñucanchic ñaupamanta anchuchirca?

JOEL 1:10

Pambacunapish llaquinayaita tucuchishcami siricun. Trigo chagrapish, llullu vinopish, aceitepish chaquishpa tucurishcami.

CANTARES 2:3

Ñuca cuyashcaca mosocunapac chaupipica, sacha chaupipi manzana yura shinami. Cambac llandupi tiyarinataca yallitami munani. Chai yura pucushcaca ñuca shimipica mishquimari.

HAGEO 2:19

¿Cancunapac tarpuna muyucunaca tiyanchu? Uvaspish, higopish, granadillapish, olivos yurapish manarac sisanchu. Ashtahuanpish cunan punzhamanta pachami bendiciasha» ninmi.

JEREMÍAS 48:33

Moabitacunapac alli pucuc pambacunapi cushicushpa caparinaca tucuringami. Vinota ruhuana tanquecunapipish, vinoca mana tiyanchu. Cantashpa uvasta sarunapish tucuringami. Cushicushpa caparinaca ña mana tiyangachu.

JEREMÍAS 48:3

¡Horonaim llactapipish caparinacushcami uyarin! ¡Tucui tucuchishca llaquinayaitami siricun!

ISAÍAS 9:3

Can Mandac Diosllatacmi paicunataca achcata mirachishpa, yallita cushichircangui. Cosechapi cushicuc shina, macanacuipi quichushcacunata chaupishpa cushicuc shinami, cambac ñaupapica yallita cushicun.

CANTARES 4:13

Cambac retoñoca granada huerta shina. Chai yurapi pucuc grano shina mishquimi. Canca sisashca alheña, sisashca nardo huerta shinami cangui.

SALMOS 92:12

Cashcata ruhuaccunaca palmera yura shinami sisacunga. Líbano urcupi tiyac cedro shinami huiñanga.

SALMOS 4:7

Canca paicuna achca granota, vinota japishpa cushicushcamanta yallimi ñucataca shungupi cushichingui.

NÚMEROS 13:23

Chaimantaca Escol yacu huaicu pambacamanmi chayarca. Chaimantami ramandi uvasta pitishpa, shuc caspipi huandushpa apamurca. Shinallatac granadacunatapish, higocunatapish apamurcami.

ISAÍAS 24:7

Uvas chagrapi ungüi yaicucpimi, vinopish tucurirca. Shungupi yallita cushicushpa causaccunami llaquirishpa huacan.

JONÁS 4:7

Cayandi tutamantaca Mandac Diosca chai higuera yurata micuchunmi, shuc curuta churarca. Chai curumi yurataca chaquichirca.

MALAQUÍAS 3:11

Cancunapac allpapi pucushca granocunatapish, uvas chagracunatapish langosta ama tucuchichunca, rimashpa jarcashami.