JOB 9:5 - Dios Rimashcata Quillcashcami

⁵ Pai yallita piñarishpaca urcucunatapish cuyuchinmi, maipi cashcamanta tuñishpa shitanmi, chaitaca pipish mana yachanchu.

JOB 9:5 Referans Kwoze

SAN LUCAS 21:11

Maipica, jatun allpa chucchuimi tiyanga. Yalli yarcaipish, ungüicunapish tiyangami. Jahua cielopica, jaicapi mana ricushcacunami ricuringa. Yalli manchaimi tiyanga.

SAN MATEO 27:51

Chai ratomi Diosta mañana huasi tiyac lienzoca, jahuamanta uraiman chaupita lliquirirca. Allpapish chucchurcami, jatun rumicunapish chictarircami.

APOCALIPSIS 11:13

Chai pachaca allpami yallita chucchurca. Shina tucucpica chai pueblota chungapi chucpishcamanta shuc parte urmacpimi canchis huaranga gentecuna huañurca. Mana huañushca gentecunaca manchaihuanmi jahua pacha Diosta alli nircacuna.

HABACUC 3:10

Canta ricushpaca urcucunapish mancharircami, yacu jundashcapish yallircami. Manchana jatun jutcupish caparircami. Mama cuchapish jahuata alzarircami.

APOCALIPSIS 6:14

Jahua pachaca shuc papelta tandac shinami tucui chingarirca. Urcucunapish, yacu chaupipi cac allpacunapish maipi cashcamanta tucuimi cuyurirca.

SAN MATEO 21:21

Chaimantami Jesusca: —Tucui shunguhuan crishpa, mana caita chaita yuyashpaca, mana cai higo yurallatachu chaquichinguichic, ashtahuanpish cancuna urcuta: “¡Caimanta anchuri, mama cuchaman shitari!” nicpica, rinmanllami. Chaica chashnatacmi.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, cuyaita mana charishpaca, ima mana canichu.

ZACARÍAS 4:7

Jatun urculla, Zorobabelpac ñaupapica, ¿imatac cangui? ¡Canca Zorobabelpac ñaupapica pugru pambami tucungui! Paimi ucupi cac rumita llucchinga. Shina llucchicpica: ‘¡Sumacmari, sumacmari!’ nishpami caparinga” ninmi.

HABACUC 3:6

Pai shayaricpica, cai pachami chucchun. Pai ricucpica, llactacunami manchan. Ñaupa huatacunapi tiyac urcucunapish tuñirinmi. Lomacunapish urmanmi. Paipac ñancunaca huiñaicamanmi.

ISAÍAS 40:12

¿Pitac mama cucha yacutaca maqui shunguhuan, cutin jahua pachataca dedohuan medirca? ¿Pitac cai pacha ñuto allpataca paipac quimsa dedohuan tandachirca? ¿Pitac urcucunatapish, lomacunatapish balanzapi pezashpa churarca?

SALMOS 114:6

Urcucunalla, lomacunalla, ¿imamantatac cari huahua oveja shina saltarcanguichicyari?

SALMOS 68:8

Chashna shamucpica, allpaca chucchurcami. Jahua pachamantapish tamya urmarcami. Sinaí urcupish israelcunapac Diospac ñaupapica chucchurcami.

SALMOS 46:2

Chaimantami allpa chucchucpipish, urcucuna tuñirishpa mama cucha chaupipi siriricpipish mana manchashun.

JOB 28:9

Paipac maquihuanmi jatun rumicunata huactarca. Urcucunatapish chaquimanta allashpami urmachirca.

JOB 26:6

Diospac ñaupapica Seolpish pascashcami. Abadonpish imahuan mana jarcashcachu can.

JOB 34:25

Diosca tucui millaita ruhuashcata ricushpaca shuc tutallami tucuita llaquichinga.

JOB 41:11

Ñuca cutichichunca, ¿pitac ñucaman imata curca? ¡Cai pachapi tucui ima tiyashcacunaca ñucapacmi can!

JOB 40:11

Yallita piñarishpa rimariyari, jatun tucushcacunatapish tucuita chingachiyari.

NAHÚM 1:5

Paipac ñaupapica, urcucunapish chucchunmi, lomacunapish yacuyanmi. Allpapish, cai pachapish, tucui chaipi causaccunapish cuyurinmi.

NAHÚM 1:6

Pai piñaricpica, ¿pitac paipac ñaupapi shayaringayari? Nina japiric shina pai piñaricpica, ¿pitac paipac ñaupapi cai pudingayari? Nina talliricuc shinami paica yallita piñarin. Jatun rumicunapish chaupirinmi.