JOB 9:4 - Dios Rimashcata Quillcashcami

⁴ Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?

JOB 9:4 Referans Kwoze

JOB 36:5

Diosca imatapish ruhuacmi tucui imatapish yachacmi. Shina cashpapish pita mana chicanyachinchu.

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Dios imatapish yachac cashcata yachachunmi, chashnaca ruhuarca.

PROVERBIOS 29:1

Cunashpa rimacpi, piñarishpa sinchi tucuc runataca cungailla llaqui japingami. Paitaca pi mana allichi pudingachu.

JOB 9:19

Sinchimanta rimashpaca, ¡Paica tucui imatapish ruhuai pudinmi! Ñucata taripangapac apacpica, ¿Pitac ñucapac randi shayaringayari?

EFESIOS 1:19

Ñucanchic paita criccuna cacpimi imatapish allita ruhuachun paipac poderta ñucanchicman cucun. Cai poderllahuantacmi, Diosca pipish mana ruhuaipaclla cashcata ruhuashpa,

EFESIOS 1:8

Diosca tucuita yachac, alli yuyaiyuc cashpami, paipac cuyaitapish ñucanchicman ricuchishpa,

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

DANIEL 2:20

«¡Huiñaimanta huiñaicaman Diospac shutica alli nishca cachun!

PROVERBIOS 28:14

Tucui causaipi Diosta manchacca yallitami cushicun. Ashtahuanpish paipac shunguta sinchiyachicca llaquipimi urmanga.

SALMOS 136:5

Alli yuyaihuan jahua pachata ruhuac Diostaca alabaichicyari. ¡Paica huiñaita llaquicmi!

SALMOS 104:24

¡Mandac Dioslla, can ruhuashcacunaca mana yupaipacmi! Tucui chaicunataca allita yachac cashcamantami ruhuarcangui. Cai pachapica can ruhuashcacunami jundan.

JOB 40:9

¿Canca, ñuca shinachu sinchi rigrayuc cangui? ¿Can rimashcaca ñuca rimashca shinachu culun nishpa uyarin?

JOB 12:13

Diosmi imatapish ruhuac, alli yachacpish can. Paimi alli yuyaita cuc, alli entendicpish can.

JOB 11:6

Paimi pi mana yachashca, yachaicunata yachachinga. Chaicunaca ima charishcacunata yalli valic cactami ricuchin. Chashnami can mana allita ruhuashcamantaca, Diosca ashallata llaquichicushcata yachangui.

JOB 6:10

Jucha illac Dios rimashcatami cazushpa causarcani. Chaimanta ñuca jatun llaquicuna chaupipi cashpapish cushicuiman.

2 CRÓNICAS 13:12

Riqui, Mandac Diosca ñucanchic-huanmi. Paimi ñucanchicta mandacun. Paipac curacunapish cancunahuan macanacugrichunmi, trompetapi sinchita tocangapac ñucanchic-huan shayacun. Chaimanta israelcunalla, cancunapac ñaupa taitacunata Mandac Dios-huan ama cariyaichicchu. Paitaca, ¿maitatac mishai pudinguichicyari?» nirca.

JOB 23:6

¿Ñucahuanca sinchitachu rimanman? Mana, chaipac randica uyanmanllami.

JOB 24:22

Sinchi tucushcacunataca imatapish ruhuac Diosmi chingachinga. Paicuna jatarishpapish mana causai pudingachu.

JOB 25:2

«Diosca tucuita mandac, tucuipac manchanami can. Jahua pachapica paimi cushi causaita ruhuan.

JOB 28:23

Diosllami alli yachaiman rina ñantapish, maipi tiyacuctapish yachan.

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JOB 38:36

¿Pitac shungupi yachaita churarca? ¿Pitac allita yuyaricta ruhuarca?

JOB 38:37

¿Pitac jahua pachapi tiyac puyucunata yupangapac yachaita charin? ¿Pitac jahua cielopi tinajata puctic shina tamyachishpa,

JEREMÍAS 50:24

Babilonia llactalla, ñucallatacmi tucllata churarcani. ¡Chaipi urmashpa prezu japi tucunataca mana yacharcanguichu! Mandac Dios ñucata mana cazushcamantami chashnaca tucurcangui.

ÉXODO 9:7

Faraonca israelcunapac animalcuna huañushcata, mana huañushcata ricuchun cachacpica, shucllapish mana huañushcachu carca. Shina tucucpish, Faraonca sinchi shungu tucushpami, israelcunataca mana cacharirca.

ÉXODO 15:7

Cambac poderhuanmi canta piñaccunata tucuchircangui. Can piñarishpaca chaquishca pangata shinami tucuchircangui.

2 CRÓNICAS 20:6

Shina shayarishpaca: «Ñucanchic taitacunata Mandac Dioslla, canca, jahua pachapi causac Mandac Diosmi cangui. Tucui llactacunapi mandaccunatapish canmi mandacungui. Fuerzatapish, tucui ima ruhuanatapish, cambac maquipimi charicungui. Canhuanca pi mana chimbapurai pudinchu.

JOB 15:13

¿Ima nishpatac Dios-huan piñaringui? ¿Imamantatac imatapish rimaringuilla?

JOB 41:2

¿Singa jutcucunapipish huascata pasachi pudinguichu? ¿Jazhatapish jutcushpa fierrota churachi pudinguichu?

ISAÍAS 45:9

¡Aij manga callana shina cashpapish ñucata piñachiccunalla! Callanata ruhuana allpaca paita ruhuactaca: “¿Imatatac ruhuangui” ningachu? ¿Imata pai ruhuashcaca: “Canca maqui illacmi cangui” ningachu?

NAHÚM 1:3

Mandac Diosca imatapish ruhuacmi. Mana allita ruhuaccunataca llaquichingatacmi. Shina cashpapish mana utca piñaricchu. Mandac Diosca tamya acapana huairapimi purin. Puyuca pai purishca polvomi.