JOB 9:34 - Dios Rimashcata Quillcashcami

³⁴ Paipac manchai ñucata ama manchachichun paipac varata ñuca jahuamanta anchuchishpachari alli canman.

JOB 9:34 Referans Kwoze

SALMOS 39:10

Can churashca ungüitaca ñucamanta anchuchiyari. Cambac maquihuan llaquichicucpimi ñucaca tucuricuni.

JOB 33:7

Ñuca rimashcacunaca mana manchachingachu. Ñuca maquipish cantaca mana llaquichingachu.

JOB 13:11

Dios tucuita ruhuac cashcahuanca manchachishpa cancunapac jahuapi jatun manchaita churangami.

SALMOS 90:11

¿Pitac can yallita piñarishca ima shina cashcata yachan? ¿Pitac yallita piñarishcataca entendinyari?

JOB 37:1

Chaimantami ñuca shunguca chucchushpa, llucshinalaya tucushpa saltacun.

JOB 31:23

Ñucaca Dios llaquichinatami mancharcani. ¡Jatun Diospac ñaupapica, maitatac ricuri pudiman carcaniyari!

JOB 23:15

Chaimantami paipac ñaupapica ñucaca yallita mancharini. Pai ima shina cacta yuyarishpaca yallitami chucchuni.

SALMOS 89:32

chashna ñucata mana cazushpa, millaita ruhuashcamantaca varahuan azotishpami llaquichisha.

SALMOS 39:11

Runataca llaquichishpami juchamantaca jarcangui. Pai sumac cashcataca polilla shinami tucuchingui. Tucui runacunapac causaica samai chingaric shinami tucurinlla.