JOB 9:26 - Dios Rimashcata Quillcashcami

²⁶ Callpac barco shinami rishca. Anga aichata micungapac ric shinami callpashca” nini.

JOB 9:26 Referans Kwoze

HABACUC 1:8

Paicunapac caballocunaca leopardocunatapish yalli callpac, amsata llucshic atuccunatapish yalli millaicunami canga. Caballopi ric soldadocunaca tandanacushpami huaicashpa carumanta shamunga. Paicunaca angacuna ima animalta japingapac jahuata shamuc shinami shamunga.

ISAÍAS 18:2

Paicunaca Nilo yacupimi huillaccunataca carrizo barcopi cachan. Yallita callpac huillagriccunalla, jagan nicuc manchana jatun runapacman richicyari. Paicunaca tucuipac manchana, yallita llaquichishpa manchachic, llactacunata quichuc sinchi runacunami. Paicunapac llacta muyunditaca jatun yacucunami ricun.

LAMENTACIONES 4:19

Ñucanchicta caticcunaca volac angatapish yalli callpaccunami carca. Urcucunata catishpa rishpami shitashca pambapi chaparca.

JEREMÍAS 4:13

Piñac runacunaca puyu huichai shamuc shina, carretacunaca acapana huaira shinami shamun. Caballocunaca angata yallimi callpan. Chashna shamucpica cancunaca: “¡Aij, ñucanchiclla, imachari tucushun!” ninguichicmi.

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

2 SAMUEL 1:23

Saulpish, Jonatanpish yallitami cuyanacuccuna carca. Causaipipish, huañuipipish manatac chicanyarircacunachu. Paicunaca aguilatapish yalli callpaccunami carca. Leontapish yalli sinchicunami carca.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.