JOB 9:25 - Dios Rimashcata Quillcashcami

²⁵ Ñuca causaica callpac runacunatapish ashtahuan yallimi callpashpa rin. Ima allitapish mana ricushpami callpashca.

JOB 9:25 Referans Kwoze

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

SALMOS 89:47

Ñuca causaica llandu shinalla cashcataca yuyaringuiyari. ¿Imapactac aichayuc runapac huahuacunataca ruhuarcanguiyari?

SALMOS 39:11

Runataca llaquichishpami juchamantaca jarcangui. Pai sumac cashcataca polilla shinami tucuchingui. Tucui runacunapac causaica samai chingaric shinami tucurinlla.

SALMOS 39:5

Riqui, ñuca causana punzhacunatapish ashallatami cushcangui. Ñuca causaica cambac ñaupapica yangallami. Tucui runacunapac causaica samai chingaric shinami tucurinlla.

ESTER 8:14

Jatun mandac cachacpimi, quillcacunata apaccunaca yallita callpac caballocunapi montashpa, utca rircacuna. Chai mandashcataca mandaccuna tiyana Susa pueblopipish huillarcami.

2 CRÓNICAS 30:6

Huillangapac riccunaca jatun mandacpac cartatapish, pai churashca mandaccunapac cartatapish apashpami, jatun mandac mandashca shinallatac tucui Israel llactaman, tucui Judá llactaman rircacuna. Chai quillcapica: «Asiria llactata jatun mandaccunapac maquimanta atishca israelcunalla, Abrahampac, Isaacpac, Jacobopac Mandac Diospacman cutirichic. Shina cutiricpica, paipish cancunapacman shamungami.

SALMOS 4:6

Taucacuna rimashpaca: «¿Pitac allita ruhuashpa ricuchingayari?» nincunami. Mandac Dioslla, cambac ñahuihuan ñucanchicta achicyachiyari.

JOB 14:1

Huarmimanta huacharishcaca, asha punzhacunallatacmi causan. Llaquicunataca yallitami charin.