JOB 8:8 - Dios Rimashcata Quillcashcami

⁸ Ñaupa punzhacunapi causac taitacunaman tapushpa, paicunapac taitacuna yachashcata yachacuiyari.

JOB 8:8 Referans Kwoze

JOB 15:18

Alli yachaccuna, paicunapac ñaupa taitacunamanta yachacushpa, mana pacashpa ñucanchicman yachachishcatami huillasha.

DEUTERONOMIO 32:7

Ñaupa punzhacunata yuyarichicyari. Huahua huahuacunapac huatata yuyarichicyari. Taitacunamanpish, ñaupa huiñai yuyaccunamanpish tapuichicyari. Paicunami cancunaman huillanga.

DEUTERONOMIO 4:32

Cancuna manarac tiyashca punzhacunapi, Dios runata cai pachapi ruhuashcamanta pacha, cai shina ruhuashcata tapuichicyari. Cai pacha callarimanta, cai pacha tucuricaman cai shina tiyashcata, mana tiyashcata tapuichicyari. Mana cashpaca, cai shina pi ruhuashcata tapuichicyari.

ROMANOS 15:4

Ñaupa quillcashcacunaca ñucanchicta yachachingapacmi quillcashca. Chai quillcashcami cushicushpa, mana piñarishpa shuyanata yachachin.

1 CORINTIOS 10:11

Ñaupa taitacuna chashna tucushcaca ñucanchicta yuyachingapacmi tucushca. Shinallatac tucuri punzhacunapi causacucpi, ñucanchicta yachachingapacmi, Dios quillcachishcapi quillcachishca cashca.

ISAÍAS 38:19

¡Maijanpish causacushparacmi cunan ñuca canta pagui nic shina, pagui ninga! Shuc taitaca causacushparacmi can pactachinataca paipac huahuacunaman huillanga.

SALMOS 44:1

Ñuca Dioslla, ñaupa huatacunapi, ñucanchic taitacuna causai punzhacunapi cai tucui allicunata ruhuashcataca ñucanchic ringrihuantacmi uyashcanchic. Chaitaca ñucanchic taitacunami parlarca.

JOB 15:10

Ñucanchicpurapica yurac accha yallita yuyaccunami tiyan. Paicunaca cambac taitacunata atishpa yalli huatacunatami charin.

JOB 12:12

Yuyaccunami allita yachan. Unai huatata causaccunami alli yuyaita charin.

2 CRÓNICAS 10:6

Chai quipami jatun mandac Roboamca paipac taita Salomón causacucpi, servishpa causacushca pushac yuyaccunaman yuyaita cuchun mañashpaca: —Cai gentecuna cashna nishcamantaca ¿Ima nishpatac cutichina alli canga?— nirca.

JOB 20:4

Cai pachapi runata churashcamanta pacha chashna cashcata, ¿Manachu yachangui?

JOEL 1:2

Pushac yuyaccunapish, tucui cai llactapi causaccunapish, caita alli uyaichic. ¿Cancuna causacui punzhacunapi, mana cashpaca cancunapac ñaupa taitacuna causacui punzhacunapi cashna llaquicuna tucushcachu?

JOB 13:1

Tucui caicunatami ñuca ñahuihuantac ricuni. Ñuca ringrihuan uyashpami entendini.