JOB 8:3 - Dios Rimashcata Quillcashcami

³ ¿Diosca allita ruhuanata paquishcachu? ¿Tucuita ruhuac Diosca cashcata ruhuanata paquishpachu, mana allita ruhuashca?

JOB 8:3 Referans Kwoze

2 CRÓNICAS 19:7

Mandac Diosta manchashpa causanguichic. Imata ruhuangapacpish alli yuyarichic. Ñucanchicta Mandac Diosmanca ima mana allipish, shucllaman tucunapish, ima cushcacunata pacalla japinapish mana tiyanchu» nirca.

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

DANIEL 9:14

Chaimanta Mandac Dioslla, llaquichinata yuyarishpa ñucanchicta llaquichishcangui. Ñucanchicta Mandac Dios canca imata ruhuashpapish cashcata ruhuacmi cangui. Shina cacpipish, ñucanchicca mana cazushcanchicchu.

APOCALIPSIS 16:7

Shinallatac altar ucumanta shuc rimashpaca: «¡Tucui imatapish ruhuac Mandac Dioslla! Canca imatapish llaquichina cashcatatac ricushpami taripangui» nishcatami uyarcani.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

ROMANOS 2:5

Can sinchi shungu tucushpa, Diosman mana cutirishpaca, Dios yallita piñarishpa taripana punzhapacmi llaquita ashtahuan mirachicungui. Diosca cashcata ruhuashpami,

EZEQUIEL 33:20

Shina cacpipish cancunaca: ‘Mandac Diosta catishpa causanaca mana allichu’ nishpami catinguichic. Israelcunalla, ñucami cancuna ima shina causacushcata taripashpa, tucuiman ricuchisha” ninmi ningui» nirca.

EZEQUIEL 33:17

Cambac llacta gentecunaca: ‘¡Mandac Diosta catishpa causanaca mana allichu!’ ningacunami. ¡Ashtahuanpish paicuna mana allita ruhuashpa causanami mana alli!

EZEQUIEL 18:25

Ashtahuanpish cancunaca: “Mandac Diosca mana cashcata ruhuacchu” ninguichicmi. Israelcunalla, ñuca ruhuashcacunaca, ¿manachu cashcata ruhuashca? Ashtahuanpish cancunami mana allita ruhuanguichic.

SALMOS 99:4

Tucuita ruhuac Jatun Mandaclla, canca cashcata ricushpami mandangui. Cashcata ruhuanataca canmi callarichircangui. Canmi Jacobopac huahua huahuapurapica allita ricushpa mandashpa, imatapish cashcata ruhuacungui.

SALMOS 89:14

Can mandashpa tiyarina callari rumi shinaca cashcata ruhuana, imatapish allita ruhuanami. Cambac ñaupataca llaquina, cashcata nina yuyaimi ricun.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

JOB 40:2

«¿Canca tucuita ruhuac Dios-huanchu cariyashpa chimbapurasha ningui? Maijanpish Dios-huan chimbapurasha nishpaca caicunatami cutichina can» nirca.

JOB 35:13

Yanga rimashcacunataca Diosca mana uyanchu. Tucui poderta charic Diosca ricunallatapish mana ricunchu.

JOB 34:5

Chaica Jobca: “Ñuca cashcata ruhuac cacpipish, Diosca ñuca japina cashcataca quichurcami.

JOB 21:20

¡Paipac ñahuillahuantacmi paipac llaquitaca ricunga! Tucuita ruhuac Dios yallita piñarishcataca ubiac shinami chasquinga.

JOB 21:15

Servingapacca, ¿pitac tucuita ruhuac Diosca? ¿Paita mañashpaca imatatac japishun?” nincuna.

JOB 19:7

Ñucaca: “¡Ñucata llaquichincunami!” nishpa, caparicpipish mana uyanchu. Ayudaiyari nishpa caparicucpipish, mana pi cashcata ruhuanchu.

JOB 10:3

¿Cambac maquihuan ruhuashca runata llaquichishpa, canta mana manchaccunapac maquipi churanaca allichu canga?

JOB 9:2

«Ari, chashnatacmi. Chaitaca ñucallatac yachanimi. ¿Ima shinatac runaca Diospac ñaupapica cashcata ruhuacmi cani ningayari?

JOB 4:17

“¿Runaca Diosta atishpa cashcata ruhuacchu canga? ¿Runaca paita ruhuac Diostapish yalli ima mapa illacchu canga?

JOB 36:3

Ñucapi tiyac yachaicunaca carumanta shamuc shinami can. Ñucata ruhuac ima shina cashcatami canmanca huillasha nini.

JOB 36:23

¿Pitac pai imata ruhuashcataca tapungayari? ¿Pitac paitaca: “Canca mana allitami ruhuashcangui” ningayari?

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JOB 19:6

Diosllatac ñucata llaquichishpa, paipac linchipi japishcataca yachanami canguichic.