JOB 7:6 - Dios Rimashcata Quillcashcami

⁶ Ñuca causaica ahuac runapac lanzaderatapish yallimi callpashpa tucuricun. Chashnami ima shuyanata mana charishpa chingarigricuni.

JOB 7:6 Referans Kwoze

JOB 9:25

Ñuca causaica callpac runacunatapish ashtahuan yallimi callpashpa rin. Ima allitapish mana ricushpami callpashca.

JOB 17:15

Cunanca ñuca shuyanaca, ¿maipitacyari? Ñuca shuyacushcataca, ¿pitac ricungayari?

1 PEDRO 1:24

Dios quillcachishcapica: «Tucui gentecunaca quihua shinallami. Paicuna jatunmi cani nishcapish, sisashca quihua shinallami. Quihua chaquiricpica, sisaca urmanllami.

PROVERBIOS 14:32

Diosta mana manchacca pai millaita ruhuashcamantami chingaringa. Ashtahuanpish cashcata ruhuacca huañugricushpapish cuidashcami canga.

SALMOS 144:4

Gentecunaca samai shinallami. Paicuna causana punzhacunaca llandu shinallami.

JOB 17:11

Ñuca causai punzhacunapish tucurishcami. Ñuca imata yuyacushcapish chingarishcami. ¡Ñuca shungupi imata munashcapish anchurishcami!

SANTIAGO 4:14

Caya punzha ima tucuna cashcataca, mana yachanguichicchu. Cancunapac causaica puyu ashata ricurishpa, tigrai chingaric shinallami.

SANTIAGO 1:11

Yuraca inti llucshishpa, nina rupaihuan chaquichicpica, sisaca urmanmi, pai sumac cashcaca chingarinmi. Chai shinallatacmi chayucpish, paipac randina, catunapica chingarin.

EFESIOS 2:12

Ñaupa mana Cristohuan cashpami, israelcunamanta chicanyachishca, Dios ari nishpa pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

SALMOS 102:11

Ñuca causaica llandu shinami chingaricun. Quihua shinami chaquicuni.

JOB 16:22

Ñuca mana ashtahuan cutina ñanta japishpa ringapacca asha huatacunallami tiyan.

JOB 13:15

Dios ñucata huañuchicpipish, paillapimi shunguta churashpa shuyasha. Ñuca ima shina cashcataca paipac ñaupapimi ricuchisha.

JOB 6:11

¿Ima fuerzahuantac ashtahuan sinchiyashayari? ¿Imapactac causashpa caticushayari?

JEREMÍAS 2:25

Lluchu chaquilla purinamantapish, yacunayaihuan cunga chaquishpa purinamantapish cuidaringui nicpica canca: “Mana, mana saqui pudinichu. Ñucaca shuccunatami cuyani. Paicunatami catisha” nircanguimi.

1 PEDRO 1:13

Chaimanta caicunata yachashpaca, allichirishpa alli yuyaihuan causaichic. Jesucristo cutimui punzha Dios paipac sumaimana cuyaimanta ñucanchic japina cashcata cucpi japingapac cushicushpa shuyacuichic.

JOB 14:19

jatun yacucuna rumicunata tucuchic shina, ñuto allpata yacu apac shinami, runa imata shuyacushcatapish tucuchingui.

JOB 17:16

Seol ucumanmi ñucahuan ringa. Ñuto allpapimi tandanacushpa samarishun» nirca.

JOB 19:10

Tucui ladocunamanta llaquichishpami huañuchigrin. Ñuca shuyacushcataca yurata pitic shinami anchuchirca.

JOB 17:1

Ñuca samaica tucuricunmi. Ñuca causai punzhacunapish tucurimunmi. Ñucata enterrarina jutcupish shuyacunmi.