JOB 7:15 - Dios Rimashcata Quillcashcami

¹⁵ Ñuca shungupica sipirishpami, alli caiman yuyanimi. Ñuca causanapac randica huañushpami alli caiman.

JOB 7:15 Referans Kwoze

SAN MATEO 27:5

Shina nicpimi, Judasca Diosta mañana huasi ucupi cullquita shitashpa, sipiringapac rirca.

2 SAMUEL 17:23

Ashtahuanpish Ahitofelca pai yuyaita cushcata mana ruhuacpimi, paipac burrota parejashpa montashpa pai huacharishca pueblopi tiyac huasiman rirca. Paipac familia imata ruhuana cashcata ña allichishca quipaca sipirishpami huañurca. Pai huañucpica, paipac taita enterrashcallapitac enterrarca.

APOCALIPSIS 9:6

Chai punzhacunapica ima shinapish huañunatami gentecunaca yuyanga. Shina yuyacushpapish mana huañungacunachu. Paicuna huañuita munacucpipish, huañuica mana chayangachu.

JOB 7:14

Shina cacpipish, muscuicunapimi manchachingui. ¡Muscuipi shina ricurishpami yallita manchachingui!

JOB 7:16

Ñuca causaica mana valinchu. Mana unaita causasha ninichu. Ñucata ña huañuchun saquilla. Ñuca causana punzhacunaca yangami.

JEREMÍAS 8:3

Chai millaita ruhuac runacunataca caita chaitami shic-huashpa cachasha. Cutin chai saquirishcacunaca causanapac randica, huañuimi ashtahuan munanga. Chaitaca tucuita Mandac Dios ñucami nini.

JONÁS 4:3

Cunanca, Mandac Dioslla, ñuca causaita quichuilla. Causanapac randica huañuimi ñucamanca ashtahuan alli— nirca.

JOB 3:21

Paicunaca huañuitami shuyan. Huañuica mana chayanchu. Curi pacashcata shina mashcacucpipish huañuica mana japinchu.

JOB 3:22

Enterrana jutcuta tarishpaca yallitami cushicuncuna.

JOB 9:21

Ñuca mana juchayuc cashpapish mana yuyarinmanchu. ¡Ñucaca mana ashtahuan causasha ninichu!

ECLESIASTÉS 2:17

Inti achicyachicuc cai pachapi tucui imalla ruhuashcaca umata nanachinmi. Chaimantami ñuca causaitapish mana ricunayachini. Tucui chaicunata alli yuyaricpica, huairata caticuc shinami yangalla.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.