JOB 7:11 - Dios Rimashcata Quillcashcami

¹¹ Chaimantami ñuca shimihuan rimarinataca mana saquisha. Ñuca yuyaipi llaquihuan huañucushpami rimaricushalla. Tucui almahuan llaquirishpami aij nicushalla.

JOB 7:11 Referans Kwoze

SALMOS 40:9

Cashcata can ruhuac cashcataca jatun tandanacuipimi huillarcani. Mandac Dioslla, ñuca mana upalla saquirishcataca canllatacmi yachangui.

JOB 10:1

Cai causaihuanca ñami shaicushca cani. Mana manchashpami aij nicushalla. Ñucaca almahuan llaquirishpami huillacushalla.

1 SAMUEL 1:10

Chaipimi Anaca tucui almahuan llaquirishpa yallita huacashpa Mandac Diosta mañarca.

ISAÍAS 38:17

Riqui, ñucapac allipacllatami chai llaquica japirca. Shina cacpipish, cuyashpami jutcupi ñuca ismugrinamanta quishpichircangui. Ñuca juchacunata huashaiman shitac shina, perdonashpami quishpichircangui.

ISAÍAS 38:15

Paillatac chashna llaquichisha nishpa llaquichicpica, ¿imatatac nishayari? Chashnami ñuca shungupi yallita llaquirishpa causacushalla.

JOB 21:25

Caishucca mana cushilla causashpa, causaipi mana cushicushpami huañunga.

2 CORINTIOS 2:4

Cancunaman quillcashpaca, yallita llaquihuan cashpami huacashpa quillcarcani. Shina cashpapish mana cancunata llaquichingapacchu, ashtahuanpish cancunata yallita cuyac cashcata cancuna yachachunmi, chashnaca quillcarcani.

SAN LUCAS 22:44

Jesús yalli llaquihuan cashpami, ashtahuan Diosta mañarca. Jumbipish yahuar shinami pambaman shuturca.

JOB 16:6

Ñuca rimacpica, ñuca nanaica mana tucuringachu. Upalla cacpipish mana anchuringachu.

JOB 13:13

Ñuca rimashcata uyaichic. Quipaman ima tucungapacpish rimashallami.

JOB 10:15

Ñuca juchayuc cashpaca, ¡aij imachari tucusha! Cashcata ruhuac cashpapish, umallatapish mana alzai pudinichu. Cunanca llaquihuanpish, nanaihuanpish shaicushcami cani.

JOB 6:26

¿Imata mana ruhuanata pudic rimashcatachu huaira shina cashcata yuyashpa jarcashpa rimaringuichic?

GÉNESIS 42:21

Shina cashpapish paicunapura ricunacushpaca: —Ñucanchic huauquita llaquichishcamantami ñucanchictapish cai llaquica japin. Pai shungumanta llaquirishpa, mañacucpipish ñucanchicca mana uyarcanchicchu. Chaimantami ñucanchictaca llaqui japin— nirca.

SALMOS 39:3

Ñuca shunguca rupashpami rauracurca. Ñuca shungumanta samaita aisacpica, nina japiric shinami llucshirca. Chaimantami ñuca calluhuanca:

JOB 9:27

Ñucaca: “Nanaihuan aij ninata saquishpa, cushilla ñahuimi tucusha” nini.

JOB 23:2

«Cunanpish llaquihuanmi rimasha, ñuca llagacunaca, ñuca huacaitapish yallimi nanacun.

JOB 36:21

Cutinllatac millaita ruhuanamantaca cuidaringui. Chai mana allita ruhuashcamantami llaquita apacungui.