JOB 6:15 - Dios Rimashcata Quillcashcami

¹⁵ Ashtahuanpish ñucataca ñuca huauquicunallatacmi, yacu jundashpa shamuc shina llaquichin. Manchana jatun yacu shamuc shinami llaquichincuna.

JOB 6:15 Referans Kwoze

JEREMÍAS 15:18

¿Ima nishpatac ñuca nanaica punzhanta tiyacunlla? ¿Ima nishpatac ñuca chugrica maita mana jambipac? ¿Canca chaquiclla yacu shinachu, ñucahuanca cagringui?» nircani.

SALMOS 38:11

Ñuca ricsishcacunapish, ñucahuan puriccunapish, ñuca familiacunapish ñuca sisuta ricushpaca caruyancunami.

SALMOS 41:9

Ñucahuan alli apanacuc, ñucahuan micuc, ñuca shunguta churashca runallatacmi ñucapac contra jatarirca.

SAN JUAN 16:32

Chai punzhaca chayamun, ña caillapimi. Cancunaca ñucallata saquishpa, caita chaita ringuichic. Shina cacpipish, mana ñucallachu cani, ashtahuanpish ñuca Taitaca ñucahuanmi.

SAN JUAN 13:18

Mana tucui cancunamantachu nicuni. Maijanlla ñuca acllashca cashcataca yachanimi. Dios quillcachishcapi: “Ñucahuan micucucllatacmi ñucataca piñanga” nishca pactachunmi, chashnaca tucunga.

SAN JUDAS 1:12

Paicunaca cancuna tandanacushpa micuicunapica, jatun pinganayaita ruhuashpami mapayachincuna. Paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca puyuta huaira caiman, chaiman apacuc shinami. Pucuna punzha mana pucuc yura shina, shinallatac ishca cutin huañushca sapimanta pitishca yura shinami cancuna.

JEREMÍAS 30:14

Canta tucui cuyaccunapish ña mana yuyarinchu. Cantaca pipish mana mashcanchu. Cantaca ñucata piñac runata shinami chugrichircani. Canllatac yalli mana allita ruhuashcamanta, yalli juchayuc cashcamantami mana llaquishpa chugrichircani.

SALMOS 88:18

Ñucahuan puriccunatapish, ricsishcacunatapish ñucamanta caruyachishcanguimi. Amsallatami ñucahuan cachun saquishcangui.

JOB 19:19

Ñucahuan yallita apanacuccunapish piñarcami. Ñuca cuyashca gentecunapish llaquichircami.

JOB 6:16

Paicunaca casa tapashca, rasu tapashca yacu shinami.

PROVERBIOS 25:19

Llaqui punzhacunapi cashpa, mana cazuc runa ayudachun shuyanaca quiru paquirishca shina, chaqui quihuishca shinami.

JEREMÍAS 12:6

Cambac huauquicunallatac, cambac huasi ucupuracunallatacmi canta llaquichingapac jatarishca. Paicunaca cambac huashallapimi caparishpa rimarincuna. Chaimanta paicuna sumacta rimacpipish, ama cringuichu.

JOB 11:16

Chashna ruhuashpami cambac llaquicunatapish, yacu pasarishca shina mana yuyaringui.

JOB 13:4

Cancunaca llullashpa pandachiccunami canguichic. Cancunaca jambiccuna mana jambinata yachac shinami canguichic.

JOB 14:11

Mama cuchamanta yacu tucuric shina, callpacuc yacucuna, ashancaman chaquic shinami,

JOB 19:13

Ñuca huauquicunatapish ñucamanta caruyachircami. Ñuca ricsishcacunatapish, ñucapac ñaupamanta anchuchircami.

JEREMÍAS 38:22

Judá llactata jatun mandacpac huasipi saquirishca tucui huarmicunatami Babilonia llactata jatun mandac churashca mandaccunapacman apanga. Chai huarmicunallatacmi: “Canhuan alli apanacuccunallatacmi cantaca umashpa mishashca. Paicunaca cambac chaquita turupi pambachishpaca shitashpa rircallami” ninga.