JOB 5:6 - Dios Rimashcata Quillcashcami

⁶ Millaica mana ñuto allpamantachu llucshin. Llaquipish mana allpamanta llucshin.

JOB 5:6 Referans Kwoze

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

OSEAS 10:4

Paicunaca yangallami rimancuna. Yangallami imata pactachingapac ari ninacun. Chaimantami llaquicunaca yapushca pambacunapi jayac ajenco huiñac shina, achca miranga.

LAMENTACIONES 3:38

¿Manachu allipish, mana allipish jahua pacha Diosmanta shamunga?

SALMOS 90:7

Can nina japiric shina rabiarishpami ñucanchictaca tucuchingui. Cutin piñarishpaca manchachishpami muspachingui.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

1 SAMUEL 6:9

Shina saquishpaca caitami alli ricuna canguichic: Carreta aisashca vacacuna Bet-semes puebloman rina ñanta Israel llactaman ricpica, Diosllatac llaquichicushcatami yachashun. Ashtahuanpish mana chai ñanta ricpica, mana paipac poderhuan llaquichicushcata, ashtahuanpish cai llaquicunaca imapish llaquicuna cashca shinatami yachashun— nirca.

DEUTERONOMIO 32:27

Shina yuyacushpapish paicunata piñaccuna jatun tucushpa: ‘Caicunataca mana Mandac Dioschu ruhuan, ashtahuanpish ñucanchicmi ruhuanchic’ ama nichunmi mana chashna ruhuarcani” nirca.

LEVÍTICO 25:5

Shinallatac cosechashca quipa iñal chagratapish, ama cosechanguichicchu. Paillatac huiñashca uvas chagratapish ama allichinguichicchu, ama cosechanguichicchu. Chai huataca allpata samachina huatami can.

JOB 15:35

Millaitami huicsayuc tucurcacuna mapatami sajuarircacuna, Paicunaca pandachina yuyaillami causancuna» nirca.