JOB 5:5 - Dios Rimashcata Quillcashcami

⁵ Paipac granocunataca, yarcaihuan caccunami micunga. Casha chaupipi cacpipish, llucchishpami apangacuna. Paicuna charishcataca yacunayaihuan shinami tucuchinga.

JOB 5:5 Referans Kwoze

LAMENTACIONES 2:16

Tucui piñaccunami canta mana alli nishpa rimarca. Silbashpa, quirucuna canirishpaca: «¡Paitaca millpuc shinami tucuchircanchic! Ñucanchic munashca punzhaca chayamushcatacmi. Caitaca ricushcanchictacmi» ninacurca.

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

JEREMÍAS 51:44

Shinallatac: «Babilonia llactapi cac Bel diosta llaquichishpami, imata micushcatapish huicsamanta llucchisha. Shuctac llactacunaca paipacmanca mana ashtahuan shamungachu. ¡Babilonia llacta muyundi jatun pircaca urmashcami!

JEREMÍAS 51:34

Jerusalenpi causaccunaca: «Babilonia llactata jatun mandac Nabucodonosormi pandachirca. Ñutuchishpami micurca. Shinami chushaclla platota shina saquirca. Jatun manchana dragón shamushpami, huicsa jundata micuc shinami, ñucanchic charishca sumaccunataca tucuchirca. Chashna micushpaca ñucataca llucchishpami cacharca.

ISAÍAS 62:8

Mandac Dios jatun poderyuc paipac alli maquita alzashpa ari nishpaca: «Cancunata piñaccuna cancunapac trigota micuchunpish, mana ricsishca runacuna cancuna trabajashca uvas vinota ubiachunpish mana saquishachu.

JOB 20:15

Pai charishcacunata micushca cashpapish arcadangami. Paipac huicsa ucumantami Diosca llucchinga.

JOB 12:6

Shuhuaccunapac huasipica tucuimi alli can. Diosta piñaccunapish, imatapish mana manchashpami cushicushpa causancuna. Diosllatac cucpi paicuna ima charishcapi shunguta churashpami causancuna.

JOB 2:3

Shina nicpi, Mandac Diosca Satanastaca: —Ñucata servic Jobca cashcata ruhuac, pi mana juchanchipac, Diostapish manchac, millaita ruhuanamanta anchurishca runa cashcataca, ¿manachu ricushcangui? Cai pachapica pai shinaca pipish mana tiyanchu. Shina causacucpipish llaquichingapac cui nircanguimi. Shina cucpipish, paica cunancamanca ima mana allita manarac ruhuanchu— nirca.

JOB 1:17

Chai runa huillacucllapitacmi shuc runa shamushpaca: —Caldeocuna quimsapi chicanyarishpa shamushpami camellocunata tandachishpa aparincuna. Canta serviccunatapish espadahuanmi huañuchishpa rincuna. Chaita huillangapacmi ñucalla saquirircani— nirca.

JOB 1:15

Sabeo runacuna cungailla shamushpa tucui chai animalcunata quichushpa aparcacuna. Canta serviccunatapish espadahuan huañuchircami. Chaita huillangapacmi ñucalla saquirircani— nirca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

JUECES 6:11

Mandac Diospac ángel rishpaca abiezeritapuramanta Joaspac Ofra pambapi tiyac encina yura ucullapimi tiyarirca. Joaspac churi Gedeonca madianitacunamanta pacangapacmi vinota capina pushtupi trigota huactacurca.

DEUTERONOMIO 28:51

Paicunaca cancuna tucuringacamanmi cancunapac animalcuna mirashcatapish, allpapi pucushcatapish tucui micunga. Cancuna huañushpa tucuringacamanmi allpapi tucui pucushcatapish, animalcuna mirashcatapish tucui micunga. Shinami cancuna tucuringacaman trigotapish, mushuc vinotapish, aceitetapish, ovejacuna mirashcatapish, vacacuna mirashcatapish mana saquinga.

DEUTERONOMIO 28:33

Cancunapac allpapi pucushcatapish, cancuna trabajashcatapish cancuna mana ricsishca gentecunami micunga. Cancunaca punzhanta llaquita servishpallami causanguichic.

LAMENTACIONES 2:5

Mandac Diosca piñac runa shinami, israelcunataca tucuchirca. Mandashpa tiyana huasicunatapish, macanacuna pircatapish urmachishpami, Judá llactapi causaccunataca yallita llaquichirca.

JOB 20:22

Achcata charishpapish llaquihuanmi causanga. Millaicuna shamushpami tucui quichunga.

JOB 22:10

Chaimantami cambac muyundipi llaquichiccunaca tiyan. Cungailla llaquicuna japishpami manchachinga.

SALMOS 109:11

Paicuna tucui charishcataca cullquita mañachic tucui japichun. Paicuna trabajashpa imata charishcataca shuctac llactamanta shamuccuna japichun.