JOB 5:26 - Dios Rimashcata Quillcashcami

²⁶ Cosechanalla trigota sinchirac cacpi tandashca shinami, sinchirac cacpi enterrana jutcuman apashca cangui.

JOB 5:26 Referans Kwoze

PROVERBIOS 9:11

Ñucamantami can causana punzhacunapish ashtahuan miranga. Can causana huatacunapish yapachishcami canga.

SALMOS 91:16

Paimanca unai huatacunatami causachun saquisha. Paita quishpichishpami cushichisha» nirca.

GÉNESIS 15:15

Shina cacpipish, canca sumacta causashpami cushilla yuyacyashpa huañungui. Chashna huañucpimi, cantaca enterranga. Chashnami cambac ñaupa taitacunahuan tandarigringui.

PROVERBIOS 10:27

Mandac Diosta manchacpica, causana punzhacunami miran. Ashtahuanpish Diosta mana manchaccunapac causana punzhacunaca utcami tucurin.

GÉNESIS 25:8

Abrahamca achca huatacunata causashpa, yallita yuyacyashpami, paipac samaita chingachishpa huañurca. Chashna huañushpami, paipac aillucunahuan tandanacugrirca.

ÉXODO 23:26

Cambac llactapica huahuata mana chari pudic huarmipish, shulluc huarmipish mana tiyangachu. Can causana huatacunatapish yapachishami.

JOB 5:27

Caitami taripashpa yachashcanchic. Chaica chashnatacmi can. Canca caita uyashpaca cambac allipacllata allita yachacui» nirca.

ISAÍAS 65:20

Chaipica asha punzhallata causac huahuacunaca mana tiyangachu. Yuyaccunapish huañuna punzha manarac pactacpica, mana huañungachu. Patsac huatayuc huañushpaca, huambraracmi huañunga. Manarac patsac huatayuc huañushpaca, Dios mana alli nishca juchayuc runa nishcami canga.

DEUTERONOMIO 34:7

Moisesca patsac ishcai chunga huatayuc cashpami huañurca. Paica jaicapi ñahui mana shuctaclaya tucurcachu. Alli sinchimi carca.