JOB 5:21 - Dios Rimashcata Quillcashcami

²¹ Millaita rimac callumantapish miticunguimi. Chingachic llaquicuna shamucpipish, mana manchanguichu.

JOB 5:21 Referans Kwoze

SALMOS 31:20

Gentecuna yuyarinacushpa llaquichinamantaca cambac ñaupapi churashpami huacangui. Camishpa llaquichinamantaca cambaclla canhuan tupana huasipimi huacaichingui.

JEREMÍAS 18:18

Jeremías huillashcata uyashpaca: «Jeremiasta ima shina llaquichinata yuyaringapac shamuichic. Mandashcacunata yachachic curapish, cunacpish, alli yachac runapish, Dios ima nishcata huillacpish mana tucuringachu. Pai huillacushcamanta juchanchishpa llaquichishunchic. Pai huillashcataca ama uyashunchic» nirca.

PROVERBIOS 12:18

Maijancunaca imata rimashpaca espadahuan chugrichic shinami rimancuna. Ashtahuanpish yachaisapa runapac rimaica jambi shinami.

SALMOS 55:21

Paipac rimashca shimicuna mantequilla shina ñutunlla cashpapish, paipac shungupica macanacuna yuyaillami can. Aceitetapish yalli ñutunlla rimaicunata parlashpapish espadata bainamanta llucchishpa charicuc shinami can.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

SALMOS 57:4

Ñucaca leoncunapac chaupipi shina, ninata shimiman shitac shina gentecunapac chaupipimi cani. Paicunapac quirucunaca lanzacuna shina, flechacuna shinami. Paicunapac calluca filosapa espada shinami.

JOB 5:15

Millai runacuna rimashpa llaquichiccunapac maquimantapish, espadahuan huañuchinamantapish imata mana chariccunataca quishpichinmi.

PROVERBIOS 3:25

Cungailla canta llaqui japinatapish, shinallatac Diosta mana manchaccunata llaqui japicpipish, canca mana manchanguichu.

SALMOS 31:21

¡Mandac Diosca alli nishca cachun! Paica muyundita jatun pircashca pueblopica ñucata llaquishpami jatun mancharinata ruhuarca.