JOB 5:2 - Dios Rimashcata Quillcashcami

² Yuyai illac runataca piñarina yuyai, shuccuna charishcata munana yuyaimi huañuchicun.

JOB 5:2 Referans Kwoze

ECLESIASTÉS 7:9

Piñarina atichunca ama saquinguichu. Mana entendic runapac yuyaipimi piñarina yuyaica tiyan.

ROMANOS 2:8

Ashtahuanpish Diosca maijanpish quiquin munashcata ruhuashpa causanata munashpa, cashcata nic huillashcata piñaccunataca yallita piñarishpa llaquichingami.

OSEAS 7:11

Efraín ailluca paloma shinami imatapish mana yachac tucushca. Chaimantami Egiptopi causaccunatapish, Asiria llactapi causaccunatapish ayudachun mañan.

PROVERBIOS 12:16

Yuyai illac runaca piñarishcataca utcami ricuchin. Ashtahuanpish alli yuyaiyuc runaca piñarishpapish shungupi chingachinllami.

SALMOS 107:17

Yuyai illaccunaca paicunallatac mana cazushpa mana allita ruhuashcamantami llaquita aparcacuna.

SALMOS 92:6

Mana entendic runaca caitaca mana yachanchu. Yuyai illac runaca mana entendinchu.

SALMOS 75:4

Jatun tucushcacunatapish, mana cazuccunatapish rimashpaca: «¡Ña ama ashtahuan jatun tucushpa cushicuichicchu!

SALMOS 14:1

Muspa runaca: «Diosca mana tiyanchu» ninmi. Tucuimi ismushca shina tucushpa, millana juchacunata ruhuancuna. Allita ruhuacca shucllapish mana tiyanchu.

JOB 18:4

¡Yallita piñarishpa tucuricuc runalla! ¿Canllamantachu llactaca shitashca saquiringa? ¿Rumi quingraicunapish tiyacushca pushtumantaca cuyuchishcachu canga?

GÉNESIS 30:1

Raquelca Jacobopacta mana huahuata chari pudishpami: “Ñucaca Lea cashpachari alli caiman” nic carca. Chaimantami paipac cusataca: —¡Huahuata cui, mana cucpica huañugrinimi!— nirca.

2 TIMOTEO 3:6

Paicunapuramantami maijancunaca huasicunaman yaicushpa, imatapish criclla, millai yuyaicuna aticpi juchalliclla huarmicunata pandachincuna.

JONÁS 4:9

Shina nicpimi, Mandac Diosca: —¿Chai higuera yura chaquishcamantachu yallita piñaringui?— nirca. Shina nicpimi Jonasca: —¡Ari, huañungacamanmi piñarini!— nirca.

PROVERBIOS 8:5

Yuyai illac runacuna alli yuyarishpa purinata yachacuichicyari. Mana entendic runacunapish, alli yuyarishpa purichicyari.

PROVERBIOS 27:3

Rumipish llashacmi. Tiyu allpapish llashacllatacmi. Ashtahuanpish mana entendic runa yallita piñarishcami chai ishcaicunata yalli llashac.

GÉNESIS 38:9

Onanca paimanta charishca huahuacunaca mana paipac huahua shina tucuna cashcatami yacharca. Chaimantami ima horas paipac huauquipac huarmipi chayarishpaca, mana huahuata charingapac canzhallapi tucuchic carca.

PROVERBIOS 19:16

Mandashcata pactachic runaca paipac causaitami cuyan. Dios munashca shina causanata mana munacca huañungami.

PROVERBIOS 19:19

Yallita piñaric runaca llaquimi tucunga. Paita ayudacpica, ashtahuan millaita ruhuashpami catinga.