JOB 42:2 - Dios Rimashcata Quillcashcami

² «Ñucaca cantaca tucuita ruhuac cashcatami yachani. Can imata ruhuanata yuyarishpaca tucuitami ruhuangui. Canmanca mana ruhuaipacca imapish mana tiyanchu.

JOB 42:2 Referans Kwoze

SAN MATEO 19:26

Chashna nicpi, Jesús paicunata ricurashpaca: —Gentecunapac yuyaipica, maita mana quishpiripacchu, ashtahuanpish Diosmanca imapish ruhuaipacllami— nirca.

MARCOS 10:27

Jesús paicunata ricushpaca: —Gentecunaca maita mana quishpiripacmi, ashtahuanpish Diosmanca imapish ruhuaipacllami— nirca.

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

JEREMÍAS 32:17

“¡Jatun Mandac Dioslla, jahua pachatapish, cai pachatapish cambac rigrata chutashpami, cambac jatun poderhuan ruhuashcangui! Can Diospacca ima ruhuanapish mana sinchichu.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

SALMOS 44:21

ñucanchic shungu yuyashcatapish yachac Diosca ¿manachu llaquichinman carca?

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

JOB 23:13

Ashtahuanpish pai imata ruhuasha nishcataca, ¿pitac shuctacyachingayari? Paillami imatapish ruhuan.

ISAÍAS 14:27

Tucuita Mandac Diosmi chashna ruhuanata yuyarishca. Chaitaca, ¿pitac jarcai pudingayari? Paipac maqui alzashcataca, ¿pitac jarcangayari?

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

ISAÍAS 43:13

Ñaupa punzhacunamanta pachami ña tiyarcani. Ñuca maquimantaca quichucca pi mana tiyanchu. Ñuca imata ruhuanata munashcataca pi mana jarcai pudingachu» ninmi.

ECLESIASTÉS 3:14

Tucuita Dios ruhuashcaca huiñaipac cashcatami yachani. Pai ruhuashcacunataca imata mana yapachina, imata mana anchuchinachu. Diosca, gentecuna paipac ñaupapi manchachunmi ruhuashca.

SALMOS 139:2

Ñuca tiyarinatapish, ñuca jatarinatapish canmi ricsingui. Carumantami ñuca imata yuyacushcatapish yachangui.

SAN LUCAS 18:27

Chashna nicpimi Jesusca: —Gentecunapacca maita mana ruhuaipacmi, ashtahuanpish Diosmanca ruhuaipacllami— nirca.

MARCOS 14:36

Ñuca Taitalla, canca imatapish ruhuai pudicmi cangui. Cai jayac ubiana shina llaquita ñucamanta anchuchi. Shina cacpipish, ama ñuca munashcata ruhuaichu, ashtahuanpish can munashcata ruhuai» nirca.

EZEQUIEL 38:10

Mandac Dios ñucaca: Chai punzhami cambac shungupica mana allita ruhuanata yuyaringui.

JEREMÍAS 17:10

¡Mandac Dios ñucami tucui shunguta ricushpa, imata yuyacushcatapish yachani! ¡Paicuna ima shina causashca shinallatac, imata ruhuashca shinallatac cungapacmi chashnaca yachani!» ninmi.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca cuyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta cuyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

JOB 25:2

«Diosca tucuita mandac, tucuipac manchanami can. Jahua pachapica paimi cushi causaita ruhuan.

JOB 42:1

Jobca Mandac Diostaca:

SALMOS 135:6

Mandac Diosca jahua pachapipish, cai pachapipish, mama cuchatapish, chaipi tucui tiyaccunatapish, yacucunapipish pai munashcatami ruhuan.

DANIEL 4:32

Gentecunapuramanta llucchishpa cachacpimi, sacha animalcunahuan pacta causangui. Huagraman shinami quihuata caranga. Cai pacha mandaccunataca jahua pacha Dios mandacushcata, cai pacha mandanataca piman cusha nishpapish cuclla cashcata yachangacamanmi canchis huatata chashna causangui» nirca.