JOB 42:12 - Dios Rimashcata Quillcashcami

¹² Mandac Diosca Jobpac tucuri punzhacunapica punta bendiciashcata yallimi Jobmanca bendiciarca. Chaimantami paica chunga chuscu huaranga ovejata, sucta huaranga camellota, huaranga yunta huagrata, huaranga burrota charirca.

JOB 42:12 Referans Kwoze

JOB 8:7

Can utcapi ashallata charishca cashpapish quipa punzhapica ashtahuanmi charingui.

ECLESIASTÉS 7:8

Callarinapac randica, ruhuanata tucuchinami ashtahuan alli. Jatun tucuna yuyaita charinapac randica, mana piñaric yuyaita charinami ashtahuan alli.

PROVERBIOS 10:22

Mandac Dios bendiciashcaca chayucyachinmi. Shinallatac ima llaquipipish mana churanchu.

GÉNESIS 24:35

Mandac Diosca ñuca amomanca imatapish achcata bendiciashpami chayucyachishca. Chaimantami ovejacunatapish, vacacunatapish, cullquitapish, curitapish, servic caricunatapish, servic huarmicunatapish, camellocunatapish, burrocunatapish charin.

JOB 1:3

Paipac haciendapica canchis huaranga ovejacunata, quimsa huaranga camellocunata, pichca patsac yunta huagracunata, pichca patsac burrocunata shinallatac achca serviccunatami charirca. Inti llucshina ladopi causaccunapurapica paimi tucuita yalli chayuc carca.

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

SALMOS 107:38

Diosmi paicunata bendiciashpa yallita mirachin. Paicunapac animalcunapish mana ima tucunchu.

DEUTERONOMIO 8:16

Shinallatac cancunapac taitacuna mana ricsishca maná shuti micunatami cararca. Cancuna ima shina cashcata ricungapac, cancunapac allipacllatami llaquichirca.

SANTIAGO 5:11

Chai shina mana piñarishpa, llaquita apaccunamanca mai cushicuimi canga, ninchicmi. Cancunaca ñaupa taita Job mana piñarishpa llaquita apashcatapish, shinallatac quipaman Mandac Dios paiman ima allicunata cushcatapish yachanguichicmi. Diosca yallita cuyac, llaquic Diosmi.

JOB 1:10

¿Manachu canllatac paitapish, paipac huasi ucupuratapish, tucui imata pai charishcacunatapish cuidacungui? Paipac maquihuan imata ruhuacpipish yallitami bendiciangui. Chaimantami pai charishcacunaca cai llactapica yallita mirarishca.

EZEQUIEL 36:11

Gentecunatapish, animalcunatapish achcatami mirachisha. Ñaupa huatacunapi shinami achca causanga. Shina ruhuacpimi, ñucataca Mandac Dios cashcata yachangacuna.

GÉNESIS 32:14

Chaica, ishcai patsac huarmi chivota, ishcai chunga pactalla cari chivota, ishcai patsac huarmi ovejata, ishcai chunga cari ovejata,

JOB 1:2

Paica canchis churita, quimsa ushitami charirca.