JOB 40:10 - Dios Rimashcata Quillcashcami

¹⁰ Shina cashpaca jatun cashcahuan sumacta allichiriyari. Sumaimana cashcahuan, alli nishca cashcahuan churariyari.

JOB 40:10 Referans Kwoze

SALMOS 93:1

¡Mandac Diosmi tucuita mandacun! Paica sumac achiclla churana churarishcami. Paica tucuita ruhuac cashcahuanmi churanata churarishca shina, chumbillishca shinapish can. Paimi cai pachataca pi mana cuyuchipacta sinchita ruhuarca.

SALMOS 149:4

Mandac Diosca pai acllashcacunahuanmi cushicun. Yangalla gentecunataca quishpichishpami sumacta ruhuanga.

ISAÍAS 59:17

Cashcata ruhuanataca fierro churanata shina, quishpirinataca cascota shinami, umapi churarirca. Paita mana cazushca shinallatac llaquichinataca churanata churaric shinami churarirca. Yallita cuyaihuanmi jahualla churaric shina taparirca.

1 CORINTIOS 15:54

Cai ismuclla cuerpo mana ismuclla cuerpo tucucpi, huañunalla cuerpo mana huañuna cuerpo tucucpica, Dios quillcachishcapi nishcami pactanga. Chaipica: «Huañuitaca atishpa chingachishcami.

SAN MATEO 6:13

Ama ima millaipi urmachun saquinguichu, tucui mana allimanta huacaichingui. [Canmi huiñai huiñaita tucuita mandacpish, tucuita ruhuacpish, sumaimana cushicuipish cangui. Chashna cachun]” nishpa mañanguichic.

ISAÍAS 4:2

Chai huatacunapica Mandac Diospac retoñoca sumaimanami huiñanga. Chai llactapi pucushca granoca maijanlla saquirishca israelcunamanca sumac nishcapish, alli nishcapishmi canga.

SALMOS 50:2

Tucuita yalli sumac Sión urcumantami Diosca achicyachishca.

SALMOS 21:5

Can mishachishpami paitaca jatunyachircangui. Tucuipac alli nishca cachunmi ruhuarcanguimi.

JOB 39:19

¿Canchu caballocumanca fuerzata curcangui? ¿Canchu paipac cungapi tiyac millmataca churarcangui?

1 CRÓNICAS 29:11

Mandac Dioslla, jatun canapish, tucuita ruhuanapi sumaimana canapish, tucui mandanapish, tucuipac alli nishca canapish cambacmi. Jahua pachapi ima tiyashcapish, cai pachapi ima tiyashcapish cambacmi. Mandac Dioslla, tucuita mandanapish cambacmi. Tucuita yallimi cangui.

ÉXODO 28:2

Cambac huauqui Aaronman ñucapac chicanyachishca tucuimanta yalli sumac jagan nicuc churanata ruhuangui.