JOB 4:7 - Dios Rimashcata Quillcashcami

⁷ Cunanca alli yuyariyari. ¿Mana faltayuc runa huañushcachu? Cashcata ruhuac runacunataca, ¿maipitac tucuchishca?

JOB 4:7 Referans Kwoze

SALMOS 37:25

Ñucaca huambrami carcani. Cunanca ñami yuyacyashcani. Cashcata ruhuac runa shitashca causacuctaca mana ricushcanichu. Paipac churicuna micunata mañashpa puricuctapish mana ricushcanichu.

2 PEDRO 2:9

Mandac Diosca paipaclla causaccunataca imapish llaquicunamanta quishpichinmi. Millai gentecunataca pai taripashpa, llaquichina punzhacamanmi huacaichishpa charicun.

JOB 36:7

Cashcata ruhuaccunataca cuidanmi. Jatun mandaccunahuan tiyarinapi tiyachishpami, huiñaipac jatunyachin.

HECHOS 28:4

Chaipi paihuan cac gentecuna maquipi huarcuracucta ricushpaca: “Cai runaca huañuchic runami yuyachin. Chaimantami ñucanchic cashcata ruhuac diosca yacumanta quishpirimucpipish, mana causachun saquin” ninacurca.

JOB 8:20

Diosca ima millaita mana ruhuactaca, mana saquinchu. Mana allita ruhuaccunataca mana ayudanchu.

ECLESIASTÉS 7:15

Tucui caicunatami ñuca yanga causai punzhacunapi ricushcani. Cashcata ruhuac runaca, cashcata ruhuac cashpapish huañunllami. Mana allita ruhuac runaca, mana allita ruhuac cashpapish unaitami causan.

JOB 36:6

Paita mana manchacmanca mana causaita cunchu. Ashtahuanpish llaquihuan caccunamanca paicuna japina cashcatami cun.