JOB 4:19 - Dios Rimashcata Quillcashcami

¹⁹ Ñuto allpa jahuapi allpamanta huasichishca shina, runacunatacarin, ¡maitatac alli ningayari! ¡Paicunaca polilla micucpi tucurinallami cancuna!

JOB 4:19 Referans Kwoze

JOB 10:9

Ñucata allpamanta ruhuashcataca yuyariyari. ¿Ñuto allpallamantacchu tigrachigringui?

GÉNESIS 2:7

Chaimantami Mandac Diosca ñuto allpamanta runata ruhuashpa, singapi causaita cuc samaita pucurca. Chaimantami runaca causaiyuc carca.

JOB 33:6

Canpish, ñucapish Diospac ñaupapica chashnallatacmi canchic. Ñucapish allpamanta ruhuashcallatacmi cani.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.

SALMOS 39:11

Runataca llaquichishpami juchamantaca jarcangui. Pai sumac cashcataca polilla shinami tucuchingui. Tucui runacunapac causaica samai chingaric shinami tucurinlla.

JOB 13:28

Chashnami ñuca cuerpoca ismushca shina tucuricun. Churanata polilla tucuchicuc shinami tucuricun.

JOB 13:12

Cancunapac yuyaita japina parlocunaca uchupa shina yangallami. Cancunapac jarcarishpa rimashcacunaca allpamanta ruhuashca shinami.

GÉNESIS 18:27

Shina nicpimi Abrahamca: —Riqui, ñucaca ñuto allpa shina, uchupa shina cashpapish ñucata Mandac Dios-huanmi parlai callarini.

1 PEDRO 1:24

Dios quillcachishcapica: «Tucui gentecunaca quihua shinallami. Paicuna jatunmi cani nishcapish, sisashca quihua shinallami. Quihua chaquiricpica, sisaca urmanllami.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

SALMOS 146:4

Paicunapac samai tucuricpica, allpallamantacmi cutinga. Chai punzhallatacmi paicuna imata yuyaricushcapish tucuringa.

JOB 22:16

Paicunaca manarac huañuna punzha chayacpimi huañurcacuna. Jatun yacu apashca shinami tucurirca.

JOB 14:2

Sisa sumacta pascarishpa chaquic shina, llandu ricurishpa chingaric shinami can.

JOB 25:6

Chaihuan ricucpica runacarin yanga curu shinallami. Huañuclla aichayuc runaca cuica shinallami» nirca.