JOB 4:17 - Dios Rimashcata Quillcashcami

¹⁷ “¿Runaca Diosta atishpa cashcata ruhuacchu canga? ¿Runaca paita ruhuac Diostapish yalli ima mapa illacchu canga?

JOB 4:17 Referans Kwoze

JOB 9:2

«Ari, chashnatacmi. Chaitaca ñucallatac yachanimi. ¿Ima shinatac runaca Diospac ñaupapica cashcata ruhuacmi cani ningayari?

JOB 25:4

¿Ima shinatac runaca Diospac ñaupapica, cashcata ruhuac tucunga? ¿Ima shinatac huarmimanta huacharishca runaca mapa illac tucunga?

ECLESIASTÉS 7:20

Cai pachapica cashcata ruhuac, allita ruhuac, jucha illac runaca shucllapish mana tiyanchu.

ROMANOS 11:33

¡Dios mandanapish, yachaipish, yuyaipish yalli jatunmi! Pai yuyacushcapish, maita mana yachaipacmi. Pai ruhuashcapish mana entendipacchu.

SALMOS 143:2

Cambac ñaupapica cashcata ruhuacmi cani nishpaca pi mana ningachu. Canta servictaca ama taripaichu.

APOCALIPSIS 4:8

Chai chuscu causaita chariccunaca tucuimi sucta alasta charirca. Canzhamanpish, ucumanpish ñahui murucuna jundami carca. Chaicunaca tutapish, punzhapish mana shaicushpami: «¡Tucui imatapish ruhuac Mandac Dioslla, canca jucha illac, jucha illac, jucha illacmi cangui! Canllatacmi carcangui, canllatacmi cangui, shinallatac canllatacmi shamungui» nishpami, alli nicurca.

ROMANOS 9:20

Canca Diosta taripangapacca, ¿imatac cangui? ¿Allpamanta mangata ruhuactaca mangaca: «¿Ima nishpatac chashna ruhuarcangui?» ningachu?

ROMANOS 2:5

Can sinchi shungu tucushpa, Diosman mana cutirishpaca, Dios yallita piñarishpa taripana punzhapacmi llaquita ashtahuan mirachicungui. Diosca cashcata ruhuashpami,

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

SALMOS 145:17

Mandac Diosca, tucui causaipimi cashcata ruhuan. Imata ruhuashpapish llaquic cashcatami ricuchin.

JOB 40:8

¿Ñuca nishcataca yangatachu ruhuasha ningui? ¿Canca jucha illacmi cani nishpachu, ñucatarac juchanchisha ningui?

JOB 35:10

Ashtahuanpish paicunaca: “¿Ñucata ruhuac Diosca maipitacyari? Paica tutapish cantachunmi cushichirca.

JOB 35:2

«Can: “ñucaca Diostapish yalli cashcata ruhuacmi cani” nishpaca, ¿allitami nicuni yuyanguichu?

JOB 15:14

¿Runaca mapa illac cangapacca imatacyari? Huarmimanta huacharishca runaca ¿ima shinatac allita ruhuac cashcaca ricuringayari?

JOB 14:4

¿Pitac mana allita ruhuashcataca pichai pudingayari? Chaitaca pi mana ruhuai pudinchu.

JOB 8:3

¿Diosca allita ruhuanata paquishcachu? ¿Tucuita ruhuac Diosca cashcata ruhuanata paquishpachu, mana allita ruhuashca?

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

JOB 4:16

Ñuca ñaupapimi almaca shayarirca. Paipac ñahuitaca mana ricurcanichu. Ñuca ñaupapi upalla shayarishpaca:

JOB 31:15

¿Manachu ñucata mamapac huicsapi callarichic Diosllatac paicunatapish ruhuarca? Diosllatacmi tucuita ruhuarca.

JOB 32:22

Ñucaca pitapish allimi cangui mana ninillachu. Shina ruhuacpica, ñucata ruhuac Diosca utcami llaquichinman.

JOB 36:3

Ñucapi tiyac yachaicunaca carumanta shamuc shinami can. Ñucata ruhuac ima shina cashcatami canmanca huillasha nini.