JOB 39:6 - Dios Rimashcata Quillcashcami

⁶ Ñucami chai animaltaca pi mana causanapi causachun churarcani. Chaimantami shitashca pambacunapi causan.

JOB 39:6 Referans Kwoze

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

JEREMÍAS 17:6

Shitashca pambapi huiñashca retama yura shinami canga. Ima alli shamuctapish mana ricushpa, gentecuna mana causana, shitashca rumi allpapi, cachi allpapimi causanga.

JEREMÍAS 2:24

Shitashca urcupi causac huarmi burro cari burrota mashcashpa, mutquishpa maitapish callpac shinami cangui. Chai huarmi burro cunucyashcataca, ¿pitac jarcai pudingayari? Tucui paita mashcaccunapish mana shaicushpa taringami.

JOB 24:5

Huacchacunaca, sacha burrocuna shitashca pambaman llucshic shinami micunata mashcashpa rincuna. Shitashca pambapimi, paipac huahuacunamanca micunata tarincuna.

DEUTERONOMIO 29:23

“Azufrehuan, cachihuan rupashca allpaca imata tarpucpipish mana pucungachu. Ima quihuapish mana huiñangachu. Sodoma, Gomorra, Adma, Zeboim, llactacuna shinami tucushca. Chai llactacunataca Mandac Diosmi nina japiric shina piñarishpa, tucui tucuchirca” ninga.

OSEAS 8:9

Paicunallatacmi Asiria llactaman sacha burro shina huichai rirca. Efraín ailluca cuyashcacunatami alquilarca.

EZEQUIEL 47:11

Guzu yacucuna, cucha yacucunaca mana mishquichu tucunga, ashtahuanpish cachi yacumi saquiringa. Cachita llucchinallami canga.

JOB 39:7

Chai animalca pueblopi causac gentecunatapish burlanmi. Shuc runa huashamanta caparishpa caticpipish mana cazunchu.

JEREMÍAS 14:6

Sacha burrocunaca urcucunaman rishpami, chacal animalcuna shina, huairata aisan. Quihua mana tiyashcamantami yallita irquiyashpa, huañunalla tucuncuna» nirca.