JOB 39:5 - Dios Rimashcata Quillcashcami

⁵ ¿Pitac sacha burrotaca cacharishca purichun churashca canga? ¿Pitac chai animaltaca mana huatana animalta ruhuashca canga?

JOB 39:5 Referans Kwoze

JOB 24:5

Huacchacunaca, sacha burrocuna shitashca pambaman llucshic shinami micunata mashcashpa rincuna. Shitashca pambapimi, paipac huahuacunamanca micunata tarincuna.

JOB 11:12

Sacha burro genteta huachacpimi, mana entendic runapish yuyaita japinman.

JOB 6:5

¿Sacha burro quihuapi cashpaca huacangachu? ¿Huagrapish quihuapi cashpaca huacangachu?

SALMOS 104:11

Chai yacutami pambapi causac animalcunaca ubiancuna. Sacha burrocunapish chai yacuta ubiashpami yacunayaita pasachincuna.

OSEAS 8:9

Paicunallatacmi Asiria llactaman sacha burro shina huichai rirca. Efraín ailluca cuyashcacunatami alquilarca.

DANIEL 5:21

Chaimantami gentecunapuramanta anchuchishca carca. Animalcuna shina yuyashpami, sacha burrocunahuan causarca. Huagraman shinami quihuata cararca. Paipac cuerpotaca jahua pachamanta tamya urmashpami jucuchirca. Runacuna mandana llactata jahua pacha Dios Mandac cashcata, shinallatac cai pacha mandanata maijanman cusha nishpaca cuc cashcata yachangacamanmi chashna causanga.

JEREMÍAS 14:6

Sacha burrocunaca urcucunaman rishpami, chacal animalcuna shina, huairata aisan. Quihua mana tiyashcamantami yallita irquiyashpa, huañunalla tucuncuna» nirca.

JEREMÍAS 2:24

Shitashca urcupi causac huarmi burro cari burrota mashcashpa, mutquishpa maitapish callpac shinami cangui. Chai huarmi burro cunucyashcataca, ¿pitac jarcai pudingayari? Tucui paita mashcaccunapish mana shaicushpa taringami.

ISAÍAS 32:14

Mandashpa tiyana huasipish shitashcami canga. Llactapi causac achca gentecuna bullashcapish mana uyaringachu. Lomapish, chapana torrecunapish sacha burrocuna huiñaita causana, ovejacuna shayanami tucunga.

GÉNESIS 49:14

Isacar, canca sinchi aparic burro corralpi siricuc shinami cangui.

GÉNESIS 16:12

Paica yalli piñami canga. Paica tucuihuanmi piñanacunga. Shinallatac tucuimi paita piñanga. Tucui paipac huauquicunahuanmi piñanacushpa causanga— nirca.

JOB 39:4

Chai animalpac huahuacunaca sinchiyashpa catishpami quihuata micushpa causancuna. Chai quipaca mamamanta caruyashpami mana cutincuna.

JOB 39:10

¿Chai huagrataca yugoshpa yapui pudinguichu? ¿Chai huagrahuan pugru pambacunata yapui pudinguichu?