JOB 36:3 - Dios Rimashcata Quillcashcami

³ Ñucapi tiyac yachaicunaca carumanta shamuc shinami can. Ñucata ruhuac ima shina cashcatami canmanca huillasha nini.

JOB 36:3 Referans Kwoze

SANTIAGO 3:17

Ashtahuanpish Dios cushca yachaita chariccunaca ima millaita mana ruhuashpami sumacta causanata munancuna. Paicunaca alli shungucuna, mana piñariccuna, llaquiccuna, pimanpish mana tucuccuna, imatapish mana huashalla rimaccuna ashtahuanpish allitac ruhuaccunami can.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

DANIEL 9:14

Chaimanta Mandac Dioslla, llaquichinata yuyarishpa ñucanchicta llaquichishcangui. Ñucanchicta Mandac Dios canca imata ruhuashpapish cashcata ruhuacmi cangui. Shina cacpipish, ñucanchicca mana cazushcanchicchu.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

SALMOS 145:17

Mandac Diosca, tucui causaipimi cashcata ruhuan. Imata ruhuashpapish llaquic cashcatami ricuchin.

SALMOS 11:7

Mandac Diosca cashcata ruhuac cashcamantami imatapish cashcallata ruhuachun munan. Paipac ñahuitaca cashcata ruhuaccunallami ricunga.

JOB 32:8

Runataca paipi tiyac espiritumi yachachin. Tucuita ruhuac Diospac samaimi alli yuyaita cun.

JOB 8:3

¿Diosca allita ruhuanata paquishcachu? ¿Tucuita ruhuac Diosca cashcata ruhuanata paquishpachu, mana allita ruhuashca?

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

ROMANOS 9:14

Chashna cacpica, ¿imatatac nishun? ¿Diosca mana cashcata ruhuacchu nishunchu? ¡Mana chashnachu!

SAN MATEO 12:42

Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JOB 34:5

Chaica Jobca: “Ñuca cashcata ruhuac cacpipish, Diosca ñuca japina cashcataca quichurcami.

JOB 32:2

Chaimantami Buz llactamanta Rampac familiapura Beraquielpac churi Eliuca Jobhuan sinchita piñarirca. Diosmi cashcata ruhuac ninapac randica pai cashcata ruhuacmi cani nishcamantami chashnaca piñarirca.

JOB 4:17

“¿Runaca Diosta atishpa cashcata ruhuacchu canga? ¿Runaca paita ruhuac Diostapish yalli ima mapa illacchu canga?

JOB 36:2

«Ñucaca Dios ima shina cashcata canman yachachingapacca ashtahuan charinimi. Chaimanta ashata shuyai.