JOB 34:4 - Dios Rimashcata Quillcashcami

⁴ Cashcata ruhuanata acllashunchic. Ñucanchicpurapi ima alli cashcata ricsishunchic.

JOB 34:4 Referans Kwoze

1 TESALONICENSES 5:21

Tucuita allita ricushpa, allitaca huacaichishpa causaichic.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

SAN JUAN 7:24

Ama ñahuita ricushpalla juchanchichicchu. Ashtahuanpish cashcata ruhuashpa juchanchichic— nirca.

JOB 34:36

Jobca mana allita ruhuac runacuna shinami rimashpa cutichin. Chaimanta pai imata yuyarishcataca allimi ricuna can.

JUECES 20:7

Riquichic, tucui cancunami israelcuna canguichic. Chaimanta cancuna parlanacushpa ima yuyaita cuichicyari— nirca.

JUECES 19:30

Chaita ricushpami israelcunaca: —¡Caitaca israelcuna Egipto llactamanta shamushca punzhamanta cunancaman pipish mana ruhuashcachu, mana ricushcanchicchu! Cunanca yuyarinacushpa, tapunacushpa imata ruhuanami can— nirca.

JOB 34:3

Ringrica imata nicushcatami uyan. Calluca micuna imalaya cashcatami yachan.

JOB 34:5

Chaica Jobca: “Ñuca cashcata ruhuac cacpipish, Diosca ñuca japina cashcataca quichurcami.