JOB 34:10 - Dios Rimashcata Quillcashcami

¹⁰ Chaimanta alli yuyaita chariccuna caita alli uyaichic. ¡Mana allita ruhuana munaica Diosmanta carupi cachun! ¡Millaita ruhuanapish tucuita ruhuac Diosmanta carupi cachun!

JOB 34:10 Referans Kwoze

ROMANOS 9:14

Chashna cacpica, ¿imatatac nishun? ¿Diosca mana cashcata ruhuacchu nishunchu? ¡Mana chashnachu!

DEUTERONOMIO 32:4

Paica jatun Rumi shina Diosmi. Paipac ruhuashcaca tucui allimi. Pai ruhuashcaca allita ruhuashcami. Paica cashcata nic Diosmi. Paipica ima mana allica mana tiyanchu. Paica cashcata ruhuacmi.

JOB 8:3

¿Diosca allita ruhuanata paquishcachu? ¿Tucuita ruhuac Diosca cashcata ruhuanata paquishpachu, mana allita ruhuashca?

2 CRÓNICAS 19:7

Mandac Diosta manchashpa causanguichic. Imata ruhuangapacpish alli yuyarichic. Ñucanchicta Mandac Diosmanca ima mana allipish, shucllaman tucunapish, ima cushcacunata pacalla japinapish mana tiyanchu» nirca.

SANTIAGO 1:13

Maijantapish mana alli ruhuana munaicuna japicpica, “Diosmi chai munaitaca cun” nishpa, ama yuyachun. Diosca jaicapi mana allitaca mana ruhuanchu. Ima mana allicunata ruhuachunpish millai yuyaitaca mana cunchu.

GÉNESIS 18:25

Can Diosca tucui cai pachapi allita ruhuacmi cangui. Chashna cashca jahuaca, ¿allita ruhuaccunataca Diosta mana cazuccunahuan pactachu chingachingui? Chaitaca jaicapi mana ruhuanguichu— nirca.

SALMOS 92:15

Chaica: «Ñucanchicta huacaichic Diosca cashcata ruhuacmi, jucha illacmi» nishpa huillangapacmi chashna canga.

JOB 36:23

¿Pitac pai imata ruhuashcataca tapungayari? ¿Pitac paitaca: “Canca mana allitami ruhuashcangui” ningayari?

PROVERBIOS 6:32

Ashtahuanpish shucpac huarmihuan chayarinacucca alli yuyaitaca mana charinchu. Chaita ruhuashpaca paipac causaitami chingachin.

JOB 37:23

Tucuita ruhuac Diosmantaca mana yachai pudinchicchu. Paica imatapish cashcata ruhuac, pitapish mana llaquichic Diosmi can.

JEREMÍAS 12:1

Mandac Dioslla, ñuca imata tapucpipish, cashcata nicmi cangui. Shina cacpipish, caillatami tapunata munani. ¿Ima nishpatac canta mana manchaccunaca alli causancuna? ¿Ima nishpatac canta mana cazuccunaca cushilla causancuna?

PROVERBIOS 15:32

Alli yuyaita cushcata mana uyasha nic runaca quiquin almatami yangapi churan. Ashtahuanpish alli tucuchun rimashcata cazuc runaca alli yuyaitami charin.

JOB 34:34

Alli yuyaiyuc gentecunapish, ñucata uyacuc yachaisapa runapish, ñucataca:

JOB 34:12

Diosca pitapish mana yanga juchanchishpami cashcata ruhuanga. Tucuita ruhuac Diosca ima japina cashcatapish mana quichungachu.

2 SAMUEL 22:31

Mandac Diospac ñanca jucha illacmi. Mandac Dios rimashcaca, pipish mana juchanchipacmi. Paipi shunguta churaccunapacca jarcarina escudomi.

SALMOS 145:17

Mandac Diosca, tucui causaipimi cashcata ruhuan. Imata ruhuashpapish llaquic cashcatami ricuchin.

SOFONÍAS 3:5

Mandac Diosca paicunapac chaupipica cashcata ruhuacmi, ima millaitaca mana ruhuangachu. Paica cada tutamantami cashcata ruhuashpa taripan. Chaita ruhuanataca jaicapi mana cungaringachu. Ashtahuanpish mana allita ruhuac runaca mana pinganchu.