JOB 33:6 - Dios Rimashcata Quillcashcami

⁶ Canpish, ñucapish Diospac ñaupapica chashnallatacmi canchic. Ñucapish allpamanta ruhuashcallatacmi cani.

JOB 33:6 Referans Kwoze

JOB 4:19

Ñuto allpa jahuapi allpamanta huasichishca shina, runacunatacarin, ¡maitatac alli ningayari! ¡Paicunaca polilla micucpi tucurinallami cancuna!

2 CORINTIOS 5:20

Chashnaca Cristopac randi huillachun cachashca huillaccunami canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dios-huan alli tucuichic” nishpa mañacunchic.

2 CORINTIOS 5:1

Ñucanchicca chingariclla cai pachapi tiyac huasi shinami canchic. Ñucanchic cuerpo chai huasi urmac shina huañucpica, mana gentecunapac ruhuashca huasitami jahua pachapi, Dios allichishcata charinchic.

JOB 31:35

¡Ñuca mañashcata maijan uyashpachari alli canman! ¡Tucuita ruhuac Dios ñuca mañashcata cutichichun! ¡Ñucata piñacca quillcashpa ñucata juchanchichun! nishpami ñuca shutitaca quillcani.

JOB 20:22

Achcata charishpapish llaquihuanmi causanga. Millaicuna shamushpami tucui quichunga.

JOB 13:12

Cancunapac yuyaita japina parlocunaca uchupa shina yangallami. Cancunapac jarcarishpa rimashcacunaca allpamanta ruhuashca shinami.

JOB 10:9

Ñucata allpamanta ruhuashcataca yuyariyari. ¿Ñuto allpallamantacchu tigrachigringui?

ÉXODO 4:16

Cambac randica, paimi can shina gentecunamanca rimanga. Canca ñucapac randimi paimanca rimangui.

GÉNESIS 30:2

Chashna nicpi, Jacobo piñarishpaca: —Diosmi cantaca mana huahuata chari pudicta ruhuashca. Ñucaca huahuata cungapacca, ¿pitac caniyari?— nirca.

GÉNESIS 3:19

Canca allpallamantac cutingacamanca ñahui quingrai jumbishpa trabajashpami micungui. Canca allpamantami ruhuashca cangui. Allpami cangui. Chaillamantacmi cutingui— nirca.

GÉNESIS 2:7

Chaimantami Mandac Diosca ñuto allpamanta runata ruhuashpa, singapi causaita cuc samaita pucurca. Chaimantami runaca causaiyuc carca.

JOB 13:3

Ashtahuanpish ñucaca tucuita ruhuac Dios-huanmi parlasha nini. Ñucaca paihuanmi rimanacusha nini.

2 CORINTIOS 4:7

Ashtahuanpish cai mai valishca alli huillaitaca, allpamanta ruhuashca manga shina, ñucanchic cuerpopimi charinchic. Chaica mana ñucanchic imata ruhuaipac cashcata, ashtahuanpish Diosllatac imatapish ruhuaclla cashcatami ricuchin.