JOB 32:21 - Dios Rimashcata Quillcashcami

²¹ Ñucaca pitapish mana ñahuita ricushpalla rimashachu. Shinallatac pitapish mana allimi cangui nishachu.

JOB 32:21 Referans Kwoze

LEVÍTICO 19:15

Cashcata ruhuashpa allichingui. Huaccha cashcallamantapish ama paiman tucunguichu. Chayuc cashcamantapish ama paiman tucunguichu, ashtahuanpish cashcata ruhuashpa allichingui.

SAN MATEO 22:16

Chashna yuyarishpami, paicunapac yachacuccunatapish, mandac Herodespac runacunatapish tapuchun cacharca. Shina cachacpi, paicuna rishpaca: —Yachachic, canca imapish cashcallatami yachachingui. Dios munashca shina causachunmi allita yachachingui. Canca mana manchashpa, mana piman tucushpami yachachingui.

JOB 34:19

Paica jatun mandaccunatapish mana ñahuita ricushpalla allita ruhuan. Paica paipac maquihuan ruhuashca cacpimi, huacchacunamanpish, chariccunamanpish chashnallatac ruhuan.

JOB 13:8

¿Maijantac ñahuita ricushpalla rimashpaca, Diospac allipacchu rimanguichic? ¿Diospac randichu rimacunguichic?

PROVERBIOS 24:23

Caicunapish yachaisapa cunashca rimashcacunami: Ima llaquita taripacushpaca ñahuita ricushpalla shucpac parte tucunaca mana allichu.

JOB 13:10

Ñahuita ricushpalla imata pacalla ruhuacpica, cancunataca llaquichingami.

2 SAMUEL 14:20

Canta servic Joabca can llaquichigricucpi, ama llaquichichunmi caicunataca nichun cacharca. Shina cacpipish, can ñucata jatun Mandac Diospac ángel shinami cai pachapi tucui ima tucucushcataca yachangui— nirca.

2 SAMUEL 14:17

Cunanca, canta servic ñucaca: “Can jatun mandac imatapish allita ñucaman ruhuachunmi munani. Ñucata jatun mandaclla, Diospac ángel shina allitapish, mana allitapish ricushpa allichicmi cangui. ¡Chashna cashcamanta can jatun mandactaca Diosllatac pushashca cachun!” nishami— nirca.

DEUTERONOMIO 16:19

Cashcata ruhuanata ama saquinguichicchu. Ama ñahuita ricushpalla taripanguichicchu. Imata ruhuangapac ama imata pacalla japinguichicchu. Chai japishcami alli yachac cacpipish, ñahui mana ricucta shina ruhuan. Shinallatac cashcata ruhuactapish pandachinmi.

DEUTERONOMIO 1:17

Pimanpish mana tucushpa, yangalla runa cacpipish, alli nishca runa cacpipish, cashcata ruhuashpa allichinguichic. Mandac Diosmi cancunata mandacun. Chaimanta ama manchanguichicchu. Maijan llaquicunata mana allichi pudishpaca, ñucaman huillanguichic. Ñucami paicuna ima nishcata uyashpa allichisha” nircani.

JOB 32:20

Imallatapish rimashpami cushilla casha. Can ima nishcacunata cutichingapacmi ñuca shimihuan rimasha.

JOB 32:22

Ñucaca pitapish allimi cangui mana ninillachu. Shina ruhuacpica, ñucata ruhuac Diosca utcami llaquichinman.

JOB 33:3

Ñuca shungupi alli cashcatami ñuca rimashpaca ricuchisha. Ñuca shimica imatapish cashcatatacmi rimanga.

SALMOS 82:2

¿Ima horascamantac mana cashcata ruhuashpa, ñucata mana manchaccunamanrac allita ruhuashpa causagringui?

PROVERBIOS 28:23

Mana allita ruhuac runata alli nishcamanta alli nishca canapac randica, cunashpa rimac runami alli nishca canga.

MALAQUÍAS 2:9

Cancunaca ñuca yachachishcataca mana cazurcanguichicchu. Ñuca mandashcacunataca ñahuita ricushpallami yachachircanguichic. Chaimantami cancunataca tucui llactacunapurapi millanga, shinallatac yangalla canguichic» ninmi.