JOB 30:12 - Dios Rimashcata Quillcashcami

¹² Ñuca alli ladomanca, achca gentecuna jatarishpami ñucataca tangashpa shitarca. Ñucata chingachingapacmi, pandachic ñancunata allichircacuna.

JOB 30:12 Referans Kwoze

JOB 19:12

Paipac soldadocunami, shuc shamuita shamushpa ñucata japircacuna. Ñuca huasi muyundipimi carpacunata shayachishpa tiyarircacuna.

ISAÍAS 3:5

Gentecunaca cuchullapi causaccunapurallatacmi caishuc chaishuc macanacunga. Huambracuna jatarishpami yuyaccunataca llaquichinga. Yanga runacunami jatarishpa alli nishca runacunata llaquichinga.

JOB 19:18

Huahuacunapish ñucataca mana ricunayachinchu. Ñuca jataricpipish piñashpami rimancuna.

JOB 16:10

Ñucata piñashpami rimarircacuna. Ñucata rimashpa llaquichishpami chulla lado ñahuipi huactashpa chugrichircacuna. Ñucata piñashpami tucui mashna tandanacurca.