JOB 30:1 - Dios Rimashcata Quillcashcami

¹ Ashtahuanpish ñucapac quipa huiñaicunami asicuncuna. Paicunapac taitacunataca ñuca animalta cuidac allcucunahuanpish mana churaimanchu carcani.

JOB 30:1 Referans Kwoze

JOB 12:4

Ñucaca ñuca ricsishcacunapac burlashpa asinami tucushcani. Diosta mañacpica paica uyarcami. Imatapish cashcata ruhuac runatapish, mana allita ruhuac runatapish, burlashpami asincuna.

SAN LUCAS 23:35

Gentecunaca Jesusta chaparacurcami. Cutin, mandaccuna burlashpaca: —Shuccunataca quishpichircami. Dios cachashca Cristo cashpaca, paillatac quishpirichun— nircami.

SALMOS 69:12

Pueblo pungupi tandanacushca runacunapish ñucata piñashpami rimarcacuna. Machashcacunapish ñucata mana alli nishpami cantarcacuna.

2 REYES 2:23

Chai quipaca Eliseoca Bet-el pueblomanmi rirca. Pai ñanta huichai ricucpimi, chai pueblopi causac maijan huambracuna llucshishpaca: «¡Lluchu uma runami llucshicun! ¡Lluchu uma runami llucshicun!» nishpa burlarcacuna.

TITO 1:12

Creta llactapi causaccunapuramanta shuc huillacca: «Cretapi causaccunaca llullaccuna, sachapi causac animalcuna shina, imata mana ruhuasha nic, micunallata munaccunami» nircami.

HECHOS 17:5

Chaimantami Jesusta mana cric israelcunaca piñarishpa, millai runacunata, quilla runacunata tandachishpa, chai pueblopi yalli bullata ruhuarca. Chashnami Pablota, Silasta Jasonpac huasimanta llucchishpa, gentecunapac ñaupapi juchanchinata munarca.

SAN LUCAS 23:39

Chacatashca millai runaca: —¡Can Cristo cashpaca, canllatac quishpirishpa, ñucanchictapish quishpichiyari!— nishpami rimarirca.

SAN LUCAS 23:18

Tucui chaipi caccunaca shuc shinalla caparishpaca: —¡Chai Jesustaca huañuchilla! ¡Barrabasta cachari!— nishpa caparirca.

SAN LUCAS 23:14

—Cai runataca ‘Gentecunatami mana allita yachachicun’ nishpami, juchanchishpa apamushcanguichic. Cai runata cancunapac ñaupapi tapushpaca, ima cancuna juchanchishcata mana tarinichu.

MARCOS 14:65

Chaimantami maijanca Jesusta tucai callarirca. Cutin maijanca ñahuita pañohuan huatashpa, huactashpaca: «¡Maijantac huactanchic, huillai!» nircami. Diosta mañana huasita cuidaccunapish Jesusta ñahuipi huactarcami.

ISAÍAS 3:5

Gentecunaca cuchullapi causaccunapurallatacmi caishuc chaishuc macanacunga. Huambracuna jatarishpami yuyaccunataca llaquichinga. Yanga runacunami jatarishpa alli nishca runacunata llaquichinga.

JOB 30:2

Paicunapac fuerzaca ñucamanca, ¿imapactac valinman carca? Paicunaca fuerza illacmi carca.

SALMOS 119:51

Jatun tucushcacunaca yallitami burlashpa asircacuna. Shina cacpipish can mandashcamantaca manatac caruyarcanichu.