JOB 26:8 - Dios Rimashcata Quillcashcami

⁸ Yacutaca puyuhuanmi pillurca. Chashna pillushca cashpapish, puyuca mana lliquirinchu.

JOB 26:8 Referans Kwoze

PROVERBIOS 30:4

¿Pitac jahua pachaman rishpa, cutimushcayari? ¿Pitac maquipi huairata tandachishcayari? ¿Pitac yacuta montonashpa chari pudishcayari? ¿Pitac cai pachataca muyundita ruhuashcayari? ¿Paica ima shutitac canyari? ¿Paipac churipac shutitaca yachanguichu?

JEREMÍAS 10:13

Pai rimacpica, jahua pacha yacucunapish tandarinmi. Paimi puyutapish tucui cai pacha patacunamanta huichaiman apan. Paimi relampahuan tamyachishpa, huairataca, huaira tiyana pushtumanta llucchin.

ISAÍAS 5:6

Shitashca pambatami saquigrini. Mana pucuc ramacunatapish pi mana pitingachu, pi mana jallmangachu. Ashtahuanpish cashacuna, cardos yuracunallami jundanga. Chai chagra jahuapi tamyachichunpish mana puyuta cachashachu.

SALMOS 135:7

Paimi tucui cai pachamanta puyuta huichaiman apan. Tamyachunpish relampatami cachan. Paimi huaira llucshinamanta huairatapish llucchin.

JOB 38:37

¿Pitac jahua pachapi tiyac puyucunata yupangapac yachaita charin? ¿Pitac jahua cielopi tinajata puctic shina tamyachishpa,

JOB 38:9

Yacuta puyuhuan pillushpa, manchana amsahuan ñuca chumbillichicpica ¿Maipitac carcangui?

JOB 36:29

¿Pitac puyu maipi callarictapish, maipi tucurictapish yachai pudingayari? Maimanta tulun nishpa uyarimushcatapish, ¿pitac yachangayari?

SALMOS 147:8

Paimi jahua cielocunata puyuhuan tapashpa tamyata allpaman cachangapac allichin. Paimi urcucunapipish quihuata huiñachin.

PROVERBIOS 8:28

Puyuta huairapi churacpi, mama cucha yacu tucyanata churacpipish chaipimi carcani.