JOB 24:9 - Dios Rimashcata Quillcashcami

⁹ Taita illac huahuacunatapish chuchumantami quichuncuna. Huacchacunatapish prendashpami japincuna.

JOB 24:9 Referans Kwoze

NEHEMÍAS 5:5

Ñucanchic huauquicuna shinallatac cashpapish, ñucanchic huahuacunapish cancunapac huahuacuna shina cacpipish ñucanchic churicunata, ushicunatami catushca shina, servishpa causachun catushcanchic. Ñucanchic ushicunamanta maijancunaca ñami catushca shina servicun. Allpacunapish, uvas chagracunapish, ña shuccunapac cashcamantami ñucanchic ushicunataca cutin randishpa mana cutichimui pudinchic» nircacuna.

2 REYES 4:1

Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

JOB 6:27

Cancunaca taita mama illac huahuatapish, randinguichicmanmi. Cancunapac alli ricsishcacunatapish imahuan cambianguichicmanmi.

JOB 22:6

Cambac huauquicunamantaca yangami prendata japircangui. Churanata mana chariccunamantaca churanatami quichurcangui.

JOB 24:8

Urcucunapimi tamyahuan jucuncuna. Rumi quingraicunapimi miticuncuna.

JOB 24:10

Huacchacunataca, churana illactami purichincuna. Yarcaihuan caccunamantaca trigo gavillatami quichuncuna.

JOB 29:12

Yarcaihuan capariccunamanca ñucami cararcani. Taita mama illaccunataca ñucami ayudac carcani.

ISAÍAS 3:14

Mandac Diosca pushac yuyaccunatapish, pai acllashca llactata mandaccunatapish llaquichingapacmi shamunga. Paicunataca: “Cancunami uvas chagracunata quichushpa micurcanguichic. Huacchacunamanta imata quichushpaca huasipimi charicunguichic.

DEUTERONOMIO 24:7

Maijan huauquita shuhuashpa, llaquichishpa charicucpi, mana cashpaca catushca cacpi, yachac chayashpaca, chai shuhuactaca huañuchinami canguichic. Chashna ruhuashpami, cancunapac chaupimanta millaita anchuchinguichic.