JOB 23:13 - Dios Rimashcata Quillcashcami

¹³ Ashtahuanpish pai imata ruhuasha nishcataca, ¿pitac shuctacyachingayari? Paillami imatapish ruhuan.

JOB 23:13 Referans Kwoze

SALMOS 115:3

¡Ñucanchic Diosca jahua pachapimi! ¡Pai munashcatami tucuita ruhuashca!

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

JOB 12:14

Pai urmachishcataca pi mana cutin allichinchu. Pai runata huichcashpa churashcataca pi mana cacharic pudinchu.

ECLESIASTÉS 3:14

Tucuita Dios ruhuashcaca huiñaipac cashcatami yachani. Pai ruhuashcacunataca imata mana yapachina, imata mana anchuchinachu. Diosca, gentecuna paipac ñaupapi manchachunmi ruhuashca.

SALMOS 135:6

Mandac Diosca jahua pachapipish, cai pachapipish, mama cuchatapish, chaipi tucui tiyaccunatapish, yacucunapipish pai munashcatami ruhuan.

ECLESIASTÉS 1:15

Huishtuyashcataca mana derechai pudipacmi. Imapish illashcataca mana pactachi pudipacchu.

SANTIAGO 1:17

Jahua pachapi sumac achiccunata ruhuac Diosmantami, ima allita ruhuana yuyaipish, cashcata ruhuana yuyaipish shamun. Paica mana shuctacyanchu, llandu shinapish mana tucunchu.

ROMANOS 9:19

Shina cacpica cancunaca: «¿Imamantatac Diosca juchanchinga? Diospac munaitaca pipish mana jarcai pudinchu» ninguichari.

JOB 34:29

Dios upalla saquicpica, ¿pitac llaquichi pudingayari? Pai ñahuita pacacpica, ¿pitac catishpa ricui pudingayari? Paica jatun llactatapish, shuc runatapish chai shinallatacmi ricucun.

JOB 11:10

Pai shamushpa, prezu japishpa, ima ruhuashcata tapungapac cayacpica, ¿pitac jarcai pudingayari?

JOB 10:7

Canca, ñuca mana juchayuc cashcatapish, cambac maquimanta pi mana quishpichi pudishcatapish canllatacmi yachangui.

JOB 10:13

Cambac shungupimi shuc yuyaita huacaichishpa charicungui. Chaicunata cambac yuyaipi huacaichishpa, charicushcataca yachanimi.

JOB 23:12

Paipac shimihuan mandashcamantaca mana anchurircanichu. Paipac rimashca shimicunataca micunata yallimi huacaichishpa causarcani.

JOB 23:14

Pai ñucata imata ruhuasha nishcataca ruhuangatacmi. Tucui pai imata ruhuasha nicushcatami pactachinga.

ISAÍAS 46:11

Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.