JOB 21:14 - Dios Rimashcata Quillcashcami

¹⁴ Chashna causashpami Diostaca: “¡Ñucanchicpac ñaupamanta anchuri! Can imata ruhuachun nishcacunataca mana yachacushun ninchicchu.

JOB 21:14 Referans Kwoze

JOB 22:17

Paicunaca Diostaca: “Ñucanchicmanta anchuri” nicmi carca. Tucuita ruhuac Diosca ñucanchicmantaca, ¿Imatatac ruhuai pudinga? nircami.

ROMANOS 8:7

Juchata ruhuana yuyailla caccunaca Diostaca piñanmi. Paicunaca Dios mandashcacunata mana cazuncunachu, mana cazui pudincunachu.

SALMOS 10:4

Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

PROVERBIOS 1:29

Alli yachaita piñashpami, Mandac Diosta mana manchasha nircacuna.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

SAN LUCAS 8:37

Chashna parlacpimi, tucui Gadara llactamanta shamuccunaca yallita manchaihuan carca. Chaimantami Jesustaca chaimanta richun nirca. Chashna nicpimi, Jesusca canoapi yaicushpa rirca.

SAN LUCAS 8:28

Chai runa Jesusta ricushpa, paipac ñaupapi cungurishpaca: —Jahua pacha Diospac Churi Jesús, ¿imatatac nic shamungui? ¡Ñucataca ama llaquichichu!— nishpa caparirca.

HABACUC 1:15

Babilonia runacunaca anzuelohuanmi tucuita japinga. Linchita shitashpa, tandachishpami, yallita cushicushpa asinga.

PROVERBIOS 1:22

“Mana yachaccuna, ¿ima horascamantac chashna mana yachacushpa, causasha ninguichic? Burlaccuna ¿Ima horascamantac chashna burlashpa causasha ninguichic? Mana entendiccuna ¿ima horascamantac alli yachanata piñanguichic?

PROVERBIOS 1:7

Alli yachac cangapac callaricca Mandac Diosta manchanami can. Ashtahuanpish mana entendiccunaca alli yachaitapish, yachachishcatapish piñancunami.

SALMOS 10:11

Paipac shungupica: «Diosca cungarishcami. Paipac ñahuica tapashcami. Jaicapi manatac ricungachu» nishpami yuyan.

JOB 34:27

Paicuna Diosmanta caruyashpa, pai imata ruhuachun nishpa mandashcacunata shucllapish mana yuyarishcamantami chashnaca ruhuanga.

JOB 35:10

Ashtahuanpish paicunaca: “¿Ñucata ruhuac Diosca maipitacyari? Paica tutapish cantachunmi cushichirca.

ISAÍAS 30:11

Alli ñanmanta, alli yachaimanta anchurichic. Israelcunapac jucha illac Diosmanta ama ashtahuan ñucanchic ñaupapi rimaichicchu” nincunami» ninmi.

JEREMÍAS 9:6

Tucuita Mandac Diosca: «Can Jeremiasca llullaccunapac chaupipimi causangui. Paicunaca llullac cashpami, ñucata mana ricsisha» ninmi. Chaitaca Mandac Diosmi nin.

SALMOS 95:10

Chaimantami paicunahuanca chuscu chunga huatata piñarishca carcani. Paicunataca: “Cai gentecunaca pandata yuyashpami, ñuca mandashcacunataca mana yachashun” nircacuna.

JEREMÍAS 2:31

¡Quipa huiñaicunalla, ñuca rimashcata alli uyaichic! Ñucaca israelcunapacca, ¿shitashca pamba shina, mana cashpaca pura tutapi cac llacta shinachu carcani? ¿Imamantatac ñuca acllashcacunaca: “Cunanca cacharishcami canchic, jaicapi cambacmanca mana cutishunchu” nincuna?