JOB 2:13 - Dios Rimashcata Quillcashcami

¹³ Chashna jatun nanaihuan tiyacucta ricushpami, paicunaca imata mana rimarishpa, canchis punzhata, canchis tutata paipac ladopi tiyacurcacunalla.

JOB 2:13 Referans Kwoze

GÉNESIS 50:10

Jordán yacu chimba ladopi cac Atad nishca trillana pambaman chayashpaca tucuilla tandanacushpami, llaquilla huacarca. Joseca paipac taita huañushcamantami canchis punzhacaman churashca llaquilla carca.

EZEQUIEL 3:15

Chai quipaca Quebar jatun yacu cuchupi cac Tel-abib llactapi causacuc prezucunapacman chayashpami, paicuna causacushca pushtullapitac ñucapish tiyarircani. Chaipica canchis punzhatami, imatapish mana rimai pudishpa, manchaihuan tiyacurcani.

NEHEMÍAS 1:4

Chaita uyashpami, ñucaca tiyarishpa huacashpa maijan punzhacunata duelo carcani. Shinallatac jahua pachapi causac Diospac ñaupapimi mana micushpa mañarcani.

ISAÍAS 3:26

Llacta pungucunapipish duelo churanahuanmi llaquilla tiyacunga. Shitashca saquirishcamantami yallita llaquirishpa, allpallapi tiyacunga.

SALMOS 77:4

Dioslla, ñuca ñahui huichcarichunpish mana saquinguichu. Yallita llaquihuan cashpami rimarinallatapish mana pudini.

JOB 4:2

«Maijan imata rimaricpica, mana upalla saquiringuimanchu. Ashtahuanpish ¿pitac upalla saquiringayari?

GÉNESIS 1:8

Chai chicanyachictaca Diosca «Jahua pacha» nishpami shutichirca. Chashnami chishiyashpa, ishcainiqui punzha tucurca.

GÉNESIS 1:5

Chai achictaca «Punzha» nishpami shutichirca. Shinallatac purataca «Tuta» nishpami shutichirca. Chashnami chishiyashpa punta punzha tucurca. Chashnami callari punzhaca saquirirca.

ESDRAS 9:3

Chashna millaita ruhuacucta uyashpami, ñucaca ucu churarishcatapish, jahuata churarishcatapish lliquircani. Ñuca uma acchatapish, barbastapish pitirishpami yallita llaquirishpa tiyarircani.

ISAÍAS 47:1

Mandac Diosca: «Carihuan manarac chayarishca soltera shina Babilonia llactalla, mandanamanta uricushpa, ñuto allpapi tiyariyari. Caldeocunapac ushilla, cantaca mana cutin: “Sumacmi, allimi cangui” ningacunachu. Can mandanamanta uricushpa, allpapi tiyariyari.

JOB 3:1

Chai quipami Jobca pai huacharishca punzhataca mana alli nishpa rimarirca.

LAMENTACIONES 2:10

Sionpi causaccunata pushac yuyaccunaca pambapi tiyarishpami upalla saquirirca. Llaquirishpa umapi uchupata churashpami, sharpa churanata churarirca. Jerusalenpi causac solteracunapish allpacamanmi cumurirca.