JOB 18:9 - Dios Rimashcata Quillcashcami

⁹ Shuc huascami paipac chaquipi churarishpa urmachinga. Paita japingapacca tucllatami churanga.

JOB 18:9 Referans Kwoze

JOB 5:5

Paipac granocunataca, yarcaihuan caccunami micunga. Casha chaupipi cacpipish, llucchishpami apangacuna. Paicuna charishcataca yacunayaihuan shinami tucuchinga.

JOB 1:17

Chai runa huillacucllapitacmi shuc runa shamushpaca: —Caldeocuna quimsapi chicanyarishpa shamushpami camellocunata tandachishpa aparincuna. Canta serviccunatapish espadahuanmi huañuchishpa rincuna. Chaita huillangapacmi ñucalla saquirircani— nirca.

JOB 1:15

Sabeo runacuna cungailla shamushpa tucui chai animalcunata quichushpa aparcacuna. Canta serviccunatapish espadahuan huañuchircami. Chaita huillangapacmi ñucalla saquirircani— nirca.

JOB 18:8

Paipac chaquillatacmi tucllapi urmachinga. Chai tucllapimi churarishpa saquiringa.

JOB 18:10

Paita urmachingapacmi huascaca pambapi pacalla tiyacun. Paita japina tucllapish pai purina pushtupimi tiyacun.

SALMOS 140:5

Chai jatun tucushca gentecunaca ñucata urmachingapacmi linchitapish, chacnarina huascacunatapish churashca. Ñuca ñan cuchupimi chacnarishpa urmanata churashca.

SALMOS 9:16

Mandac Diosca cashcata ruhuashpami paipac shutitaca ricsichirca. Ashtahuanpish millaita ruhuaccunaca shuccunata urmachingapac paicunallatac ruhuashca tucllapimi urmarcacuna.

PROVERBIOS 29:6

Millaita ruhuac runaca pai ruhuashca millaillapitacmi tucllapi shina urman. Ashtahuanpish cashcata ruhuac runaca cushicushpami cantan.