JOB 18:21 - Dios Rimashcata Quillcashcami

²¹ Diosta mana manchaccunapac causana huasica chashnami canga. Diosta mana ricsic runapish shinallatacmi tucunga» nirca.

JOB 18:21 Referans Kwoze

JEREMÍAS 9:3

Paicunapac calluhuanca flechata shitac shinami llullan. Cashcata ninapac randica, ashtahuan ashtahuan millaita ruhuashpami, mandac Diostaca mana ricsirca.

TITO 1:16

Paicunaca “Diosta ricsinchicmi” nishpapish, imatapish ruhuashpaca Diosta mana ricsic cashcatami ricuchincuna. Paicunaca millana, mana cazuccuna cashpami, ima allitapish mana ruhuai pudincuna.

2 TESALONICENSES 1:8

Shina shamushpami, ñucanchic Apunchic Jesucristopac alli huillaita mana cazuccunatapish, Diosta mana ricsinata munaccunatapish llaquichinga.

1 TESALONICENSES 4:5

Diosta mana cazuccuna shina mapa yuyaicunallahuan ama causachunmi munan.

JEREMÍAS 10:25

Canta mana ricsic llactacunata, cambac shutipi mana mañac gentecunata yallita piñarishpa llaquichiyari. Chaica paicunami Jacobopac llactataca lambishpa micuc shina tucuchirca. Paicunami causana huasitapish shitashcata saquirca» nircani.

JUECES 2:10

Tucui chai quipa mirai israelcunapish huañushpaca paicunapac taitacunahuanmi tandarigrirca. Chai quipaca Mandac Diostapish, israelcunaman imata Mandac Dios ruhuashcata mana ricsic gentecunami mirarirca.

ROMANOS 1:28

Diosca, paimanta yachanata mana munacpimi, manapish caipaccunata ruhuachun, paicunapac yuyaipi millai junda cachun saquirca.

SALMOS 79:6

Can yallita piñarishcataca canta mana ricsiccunapac jahuapi cambac shutita mana mañac mandaccunapac jahuapi churaiyari.

JOB 21:28

Cancunaca: “¿Mandacpac mandana huasica maipitac? ¿Diosta mana manchaccunapac huasicunaca maipitac?” ninguichicmi.

JOB 21:14

Chashna causashpami Diostaca: “¡Ñucanchicpac ñaupamanta anchuri! Can imata ruhuachun nishcacunataca mana yachacushun ninchicchu.

1 CRÓNICAS 28:9

Salomón ñuca huahualla, cambac taitapac Diostaca ricsiyari. Paitaca alli shunguhuan, tucui munaihuan servishpa causaiyari. Mandac Diosca tucuipac shungutami ricucun. Imata ruhuanata yuyaricushcatapish tucuitami yachan. Can paita mashcashpaca taringuimi, ashtahuanpish paita can cungaricpica, paipish cantaca huiñaita cungaringa.

1 SAMUEL 2:12

Elipac churicunaca Diosta mana manchaccuna cashpami, Mandac Diosmantaca imatapish mana yacharca.

ÉXODO 5:2

Shina nicpimi Faraonca: —Pai rimashcata uyashpa richun saquingapacca, ¿pitac Mandac Diosca? Mandac Dios nishcataca mana ricsinichu. Israelcuna richunpish mana saquishachu— nirca.

JOB 4:21

Paicuna sumac cashcapish, paicunallahuantacmi chingarin. Yachaitapish mana yachashpami huañun” nictami uyarcani» nirca.

JOB 19:1

Chaimantami Jobca:

JOB 20:29

Chaitami Diosca paita mana manchaccunamanca allichishpa charicun. Diosca paipac shimihuanmi runa japinataca cusha nishca» nirca.