JOB 17:7 - Dios Rimashcata Quillcashcami

⁷ Ñuca ñahuicunaca yallita llaquihuan cashpami amsayashca. Tucui ñuca cuerpoca llandu shinallami.

JOB 17:7 Referans Kwoze

JOB 16:16

Ñuca yallita huacacpimi ñahuica punguillishca. Ñuca ñahuipish amsayashpa ña mana ricunchu.

SALMOS 6:7

Huacacucllapitacmi ñahuipish amsayan. Ñucata piñaccuna huacachicpimi, ñuca ñahuica amsayashpa ña mana ashtahuan ricun.

LAMENTACIONES 5:17

Chaimantami ñucanchic shungupish chiriyashca. Ñucanchic ñahuipish amsayashcami.

ECLESIASTÉS 6:12

Runapac causai punzhacunaca llandu pasacuc shina yangallami. Chai punzhacuna alli canataca, ¿pitac yachan? Runa huañushca quipa inti achicyachicuc cai pachapi ima tucuna cashcataca, ¿pitac huillai pudingayari?

SALMOS 109:23

Llandu chingaricuc shinami ñucaca tucuricuni. Langosta curu shinami caiman chaiman shitashca cani.

JOB 16:8

Ñuca cuerpotami muruyachishca. Ñuca irquiyashcataca ñuca ñahuillatacmi ricuchicun. Chaimantami ñuca cuerpoca tullulla saquirishca.

JOB 16:20

Ñucamanta rimaccunaca ñuca ricsishcacunallatacmi. Ashtahuanpish Diospac ñaupapimi huiquita urmachishpa mañasha.

JOB 7:5

Ñuca cuerpoca curucunahuan, asha allpahuan tapashca shinami. Ñuca aicha carapish millanayaitami ashnacun.

SALMOS 6:8

Mandac Diosca ñuca huacashpa mañashcata uyashcami. Chaimanta millaita ruhuaccuna ñucapac ñaupamanta anchurichic.