JOB 17:16 - Dios Rimashcata Quillcashcami

¹⁶ Seol ucumanmi ñucahuan ringa. Ñuto allpapimi tandanacushpa samarishun» nirca.

JOB 17:16 Referans Kwoze

JONÁS 2:6

Urcu callarimanmi rircani. Allpaca huiñaimanmi ñucata tapashpa charicurca. Ñucata Mandac Dioslla, canmi ñuca causaitaca pambashcamanta llucchircangui.

2 CORINTIOS 1:9

Chaipica ña huañuna shinami carcanchic. Shina cacpipish ñucanchic chai llaquita apashpaca mana ñucanchicllapi yuyaita churashpa, ashtahuanpish huañushcacunata causachic Diospi yuyaita churanatami yachacurcanchic.

EZEQUIEL 37:11

Mandac Dios cutinllatac rimashpaca: «Huañunalla runa, cai tullucunaca israelcunami. Paicunaca: “Ñucanchic tullucunaca chaquishcami. Ñucanchicca ima shuyanatapish mana charinchicchu. Tucuimi tucurishcanchic” nincunami.

SALMOS 143:7

Mandac Dioslla, ñuca mañashcata utca cutichiyari. Ñucaca huañunalayami tucuni. Cambac ñahuita ama pacaichu. Can mana ricucpica, ña enterrashcalayami casha.

JOB 7:6

Ñuca causaica ahuac runapac lanzaderatapish yallimi callpashpa tucuricun. Chashnami ima shuyanata mana charishpa chingarigricuni.

JOB 7:9

Puyu ashancaman chingaric shinami maijanpish Seolman rishpaca, cutinca mana llucshinga.

JOB 18:1

Suhitapuramanta Bildadca:

JOB 21:33

Pai samarina pugru pambaca mishquillami ashnacunga. Chai huañushcata huandushpa ricpica, achca gentecunami huashatapish, ñaupatapish ringacuna.

JOB 20:11

Paipac tullucuna sinchirac cashpapish, paillahuantacmi ñuto allpapi samaringa.