JOB 16:21 - Dios Rimashcata Quillcashcami

²¹ ¡Runa paipac ricsishcahuan rimaric shina Dios-huan rimari pudishpachari alli canman!

JOB 16:21 Referans Kwoze

ECLESIASTÉS 6:10

Cunan imapish tiyacca ñami shutiyuc carca. Runa ima shina cactapish yachanimi. Runaca paita yalli fuerzata charic-huanca mana chimbapurai pudinchu.

ROMANOS 9:20

Canca Diosta taripangapacca, ¿imatac cangui? ¿Allpamanta mangata ruhuactaca mangaca: «¿Ima nishpatac chashna ruhuarcangui?» ningachu?

ISAÍAS 45:9

¡Aij manga callana shina cashpapish ñucata piñachiccunalla! Callanata ruhuana allpaca paita ruhuactaca: “¿Imatatac ruhuangui” ningachu? ¿Imata pai ruhuashcaca: “Canca maqui illacmi cangui” ningachu?

JOB 31:35

¡Ñuca mañashcata maijan uyashpachari alli canman! ¡Tucuita ruhuac Dios ñuca mañashcata cutichichun! ¡Ñucata piñacca quillcashpa ñucata juchanchichun! nishpami ñuca shutitaca quillcani.

JOB 13:22

Chai quipaca ñucata cayailla. Ñucaca canhuan rimashallami. Mana cashpaca ñuca rimasha, can cutichinguillami.

JOB 13:3

Ashtahuanpish ñucaca tucuita ruhuac Dios-huanmi parlasha nini. Ñucaca paihuanmi rimanacusha nini.

JOB 16:20

Ñucamanta rimaccunaca ñuca ricsishcacunallatacmi. Ashtahuanpish Diospac ñaupapimi huiquita urmachishpa mañasha.

JOB 16:22

Ñuca mana ashtahuan cutina ñanta japishpa ringapacca asha huatacunallami tiyan.